سكوب. ا مولى نوبة. الموجة اللولى ديال تسوماني الايادي البيضاء اللي طلق الحموشي جرات هاد المسؤولين الامنيين لكبار فولاية امن كازا . قراو تعرفو

ها الموجة الاولى لتسوماني "الايادي البيضاء" اللي بدا فعين الدياب فكازا طيحات ناس كبار فالامن فولاية الامن بهاد المدينة. وفق مصدر ل"كود" فقد قرر المدير العام للامن الوطني عبد اللطيف الحموشي اللي كان طلق هاد العملية ديال الايادي البيضاء٬ اعفاء نائب والي امن الدار البيضاء حميد بحري. الموجة جات حتى فنور الدين لكلاوي رئيس الاستعلامات العامة بنفس الولاية٬ يوضح مصدر "كود".
هاد الموجة الاولى وصلات حتى للبرنوصي٬ فحسب مصدر "كود" فقد تم احالة عبد الغني الفكاك رئيس المنطقة الامنية بسيد البرنوصي على التقاعد. عندو الزهر قاستو الموجة غير شوية.
وفق مصادر "كود" فالتسونامي مازال جايينو موجات اخرى تهم اعفاءات فالمناطق الامنية بالدار البيضاء وطبعا غاديين يكونو تعيينات جداد. تعيينات ودماء جديدة لاطر فيديها. دابا كاع اللي عندو علاقة بالمحسوبية بمنظومة الفساد بالاهمال فالقيام بخدمتو وتطبيق القانون غادي يديه تسوماني
هاد العملية كانت كشفات هاد السيمانا على فضيحة كبيرة ديال اوطيل فالكورنيش لقاوه كيبيع الشراب مدرح وكاين مطاعم اخري كتقضى من عندو. كما تفرشات 49 ريسطو مخالفين القانون وتسجلات 119 مخالفة كتشمل مطاعم وقهاوي حتى هما كانو دايرين السيبة فيهم 31 مخالفة فلاكورنيش.
الحموشي كان طلق هاد الايادي البيضاء اللي هدرنا على بعض من حصيلتها باش يطبق القانون فكازا وينهي التسيب اللي كان فريسطورات لملايرية وغيرهم فعين الدياب. دابا بدا من باب دارو . شطبها وسيقها وغادي ينظفها مزيان. غير هاد الشي خاص ادارات اخرى فقطاعات بيضاوية تبعو وتبدا تشطب بيبانها حتى هي والا هاد الخدمة غادية تبقى ناقصة شوية. يمكن يخلي لخراين يتنافسو ويقولو حتى هما امولى نوبة