الادريسي البرلماني الإخواني لي كيدعم حزب الله وزار مقرات فلبنان خاص يترجل دبا ويستاقل من البرلمان.. عارض حزبو وصدق ضد مصالح المغرب بعدما قال ان الاتفاق بين الرباط وتل أبيب مقابل اعتراف امريكا بالصحرا وهم

البرلماني المقرئ ابو زيد الادريسي، المعروف عند الاسلاميين ب"المفكر" والمنظر ديالهم، وهو أحد الداعمين للمقاومة الاسلامية "حماس" وكان داعم لحزب الله، وسبق له زار مقرات حزب الله ف جبال لبنان، اليوم خرج كيعطي دروس للدولة ولحزب ديالو "البي جي دي".
ابوزيد قال بلي استئناف العلاقات بين المغرب واسرائيل مقابل اعتراف امريكا بسيادة المملكة على الصحراء وهم. هادي محاولة مفروش باش يغطي على فشل خطاب وضعف تأثيره على المجتمع والدولة.
ابوزيد لي معروف أنه كيجيش اعضاء العدالة والتنمية والاسلاميين فالقضايا الخارجية بحال فلسطين والعراق وسوريا، مزال مبغاش يفيق، مزال مبغاش يعرف بلي المجتمع والدولة تجاوزوه.. فكريا وعلميا وعمليا.
ابوزيد لي عندو "سلاح" واحد هو "الكلام" هو "اللسان"، يقف اليوم عاجزا أمام إرادة "العمل" والإنجاز، وطي صفحة نزاع كلف المغرب الملايير وضيع على المغاربة الالاف من مناصب الشغل.
هاد البرلماني الاخواني يلا كان مقتنع بكلامو خصو يستاقل من البرلمان، ماشي حتى تسالي الولاية التشريعية وياخد الفلوس.
هذا ف سنوات كثيرة كان كيدعم حزب الله المصنف دوليا ك"جماعة ارهابية" دعم سياسي وثقافي كبير قدمو ليهم وزار معسكرات ديالهم.. التاريخ لا يرحم. وكيف قال عبد العروي "التاريخ عدو السياسي".