هاد الصباح. إحالة رئيس سرية الجدارمية فسيدي حرازم على قاضي التحقيق.. اختلس فلوس المخالفات وها كيفاش كان كيقولب الدولة فملايين كثيرة

رئيس سرية الدرك الملكي فسيدي حرازم ضواحي فاس اللّي كان تشد هادي أيام غادي يسمع ليه صباح اليوم الثلاثاء تفصيليا قاضي التحقيق بالغرفة الثانية بمحكمة الاستئناف بمدينة فاس. هاد المسؤول متابع حاليا من أجل "اختلاس وتبديد أموال عامة والتزوير في وثائق رسمية وإدارية واستعمالها وخيانة الأمانة والغدر".
وحسب المعلومات اللّي حصلات عليها "كَود"، فإن هاد المسؤول متهم باختلاس اكثر من 118 مليون سنتيم. هاد لفلوس يشتبه أنها كانت مستخلصة من مخالفات مرورية داروها الجدارمية من عام 2016.
مصادر "كَود" كشفات على أن الإدارة ديالو كانت عطانو مهملة ديال شهر باش يجيب لفلوس لكن السيد مجاب ليهوم والو. التحريات اللّي كانت دارت الفرقة الوطنية للدرك الملكي بينات على أن رئيس سرية الدرك بسيدي حرازم كان كيزور وثائق ديال تحويلات مالية للقباضة باستعمال خاتم وطني مزور.