السلاويين كاعيين على عمارة.. المدينة اللي عطاتو مقعد برلماني فيها واحد من أكفس مراكز التسجيل اللي غارق ف الزحام والفوضى

سكان مدينة سلا كتعيش المعاناة مع مركز تسجيل الطوموبيلات اللي كيعتبروه شي وحدين اسوء مركز تسجيل السيارات.
مواطنون يضطرون للتوافد على إدارة المركز بدء من الساعة الخامسة صباحا لقضاء مصالحهم.
هاذ الشي كرفص السلاويين وملقاو ليه حل. باش تسحب البريمي و لا تبدلو، أو تاخذ البطاقة الرمادية خاص يكون عندك صبر أيوب. رغم الوزير الوصي اللي كيراسلوه الناس ربح مقعد برلماني من دائرة سلا الجديدة وممسوقش للساكنة.
النوبة تقدر توصلك على ربعة سوايع وتقدر متوصلكش ، و تقدر ترجع كل نهار ومتقضي والو. واخا النوبة بالانترنت واخا كلشي تدخل العنصر البشري خربق الوقت.
ملي كتسمع المسؤولين ديال المركز كتعرف باللي المشكل فالوزارة اللي خاصها دير كثر من مركز فمدينة فيها أكثر من مليون نسمة.
مراكز التسجيل حتا هيا ولات كتخدم بالوساطة مستخدمين تابعين لشركات و الحدودية ديالهم كتبقى على قد الحال وعلى قد الأجور اللي كياخذوا، اضافة الى قضية أخرى وهي تجاوزات حراس الأمن تفاقم أزمة المركز بسبب تدخلهم في كل العمليات.
هاذ المعاناة كتسبب التاخير للناس وكضر مصالحهم في ظل غياب أي حل فالأفق.