واش سطوك اللقاح تقاضا ولا كيفاش. حتى واحد ما دار الفاكسان هاد النهار و9 ماتو

فالحصيلة اليومية لفيروس كورونا المستجد اللي علنات عليها وزارة الصحة اليوم الأحد 11 أبريل، ففهذ 24 ساعة الأخيرة ماخدا حتى حد اللقاح، وفالمقابل تقاسو 414، وماتو 9، وفالمجموع 4841 مازال كيتعالجو.
والحالة الوبائية هذ الأيام مستقرة، بحيث عدد الإصابات والوفيات اليومية نقص نوعا ما، وحتى عدد الناس اللي فحالة صعيبة نقص، إلا أن عدد الحالات النشيطة غادي وكيطلع، خصوصا وأن حالات التعافي اليومية ضعيفة شوية بالمقارنة مع الإصابات.
وهذي التفاصيل:
التلقيح:
اليوم ماخدا حتى حد التلقيح ضد كورونا، وبقى العدد مستقر ف4471831 واحد خدا الجرعة الأولى، و4134740 خداو الجرعة الثانية.
الإصابات:
وتقاسو اليوم 414 واحد من أصل 8998 واحد دار التحليلة، ووصل عدد المصابين فالمجموع ل502102.
ووصل مؤشر الإصابة التراكمي 1380,7 لكل 100 ألف نسمة، بمعدل 1,1 لكل 100 ألف نسمة فهذ 24 ساعة.
حالات الشفاء:
تشافاو اليوم 346، ووصل الإجمالي ل488361، بنسبة تعافي ديال 97,3 فالمية.
الوفيات:
اليوم ماتو 9، ووصل هكذا عدد الوفيات ل8900، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل4841، وعدد الحالات الحرجة نخفض ل432 حالة، و31 واحد تدهورات حالتو غير اليوم، والناس اللي تحت التنفس الاصطناعي الاختراقي بلغ عددهم 19، أما نسبة ملء أسرة الإنعاش فنزلات ل13,7 فالمية.
بالنسبة توزيع الإصابات على الأقاليم والجهات فهو كالتالي: