بعد تصريحاتو الخطيرة والمعادية للبلاد.. باريس غادي تحيد لوزير الشغل الدزايري جعبوب الفيزا وتمنعو يدخل لفرنسا مدى الحياة

السفارة الفرنسية فالجزائر العاصمة باغية تحبس لوزير الشغل والضمان الاجتماعي الجزائري، الهاشمي جعبوب، الفيزا لدخول التراب الأوروبي وفرنسا تحديدا، بسبب تصريحات ليه معادية لهاد الأخيرة.
وحسب موقع "مغرب أنتيليجنس"، العقاب تقترح رسميا على السلطات الفرنسية من طرف مسؤولين فالسفارة الفرنسية فالجزائر، اللي بغات تحبس الوزير الجزائري من ولوج التراب الفرنسي بسبب تصريحات اعتبراتها خطيرة وخلقات توترات بين البلدين فهاد الايام.
وكان سبق لوزير الشغل والضمان الاجتماعي الجزائري، الهاشمي جعبوب، صرح نهار الخميس 8 أبريل الجاري، بأن فرنسا "هي عدونا التقليدي الأبدي".
هذ التصريح جا خلال جلسة بمجلس الأمة الجزائري، تكلم فيها الوزير على العجز فالصندوق والسياسة ففرنسا.
وجزائريين عبرو على الاستياء ديالهم من هاد التصريح، وتساءلو كيفاش مسؤول كبير يقول بحال هاد الكلام.
https://www.maghreb-intelligence.com/exclusif-paris-veut-interdire-definitivement-le-ministre-de-lemploi-algerien-el-hachemi-djaaboub-de-visa-pour-la-france/