المهاجري نزل من التراكتور وباغي يطير مع لحمامة. مصدر ل"كود": الاعلان يقدر يكون السيمانا الجاية

علمت "كود" أن هشام المهاجري، رئيس لجنة الداخلية بمجلس النواب عن حزب الاصالة والمعاصرة غادي ينزل من التراكتور باش يطير مع "الحمامة".
وحسب مصادر "كود" فإن المهاجري لم يعلن بشكل رسمي التحاقه بالأحرار، نظرا لوضعيته الخاصة إذ يترأس لجنة الداخلية بمجلس النواب، لكن مغادرته لحزب التراكتور باتت مؤكدة. ماشي غير كان ومازال عندو خلاف مع الامين العام عبد اللطيف وهبي اللي كان ما باغيش يرشحو، ولكن جاه شي عرض.
البام كان دا للاحرار والاستقلال بزافت المنتخبين فانتخابات 2015 باش كان كلشي كيخاف من الياس العماري٬ ودابا شي رجع للاستقلال وبزاف مشاو للأحرار.
يشار إلى لائحة المهاجري للي كان فالاستقلال قبل ترشح مع البام ف انتخابات 2016 حصلت على 29531 صوت بفارق كبير عن الحاصل على التربة الثانية، وتمكن يدي جوج مقاعد من اصل اربعة.
مهاجري عندو مشاكل مع القضاء ومازال متابع فقضايا..