وفينك يا الجينرال الوراق. كيفاش كذاب كيهدر باسم الجيش وكيخلع لمغاربة واش هاد السيبة

تسجيل صوتي لشي حد قدم راسو باسم حكيم بلفلاح كيتكلم مع شي شخص اسمو عيسى. هادا غادي يكون هو المسرب المحتمل للتسجيل. هادا قال باللي كان مع الجينرال بولحية اللي خدام فالمستشفى العسكري.
كيهدر وكيقول امور خطيرة خاص القيادة العليا فالجيش المغربي تفتح تحقيق. اولا كيقول لكذوب. ثانيا كيوظف الجيش فامور كتخلع لمغاربة.
هاد السيد الكذاب كيقول الوضعية غادية وتكفس وباللي خاص ترد البالل من المتحور ديلطا. اواه. راها فاوربا كلها وما كينش هاد التخوف. سريع الانتشار اييه ولكن ماشي قاتل. الدليل حتى فالمغرب واخا الصحة دارت بيان وهدرات على ضرورة "الاستمرار في احترام التدابير الوقائية، وذلك قبل وخلال وبعد عملية التلقيح ضد هذا الفيروس الفتاك، للمساهمة في جهود كبح انتشار الفيروس خاصة في ظل اكتشاف سلالات متحورة جديدة"
زيد عليها ان الوضعية الوبائية ماشي خطيرة. اليوم تسجلات844 إصابة جديدة ولكن الحالات الخطيرة "أو الحرجة الجديدة بأقسام الإنعاش والعناية المركزة المسجلة خلال ال24 ساعة الأخيرة 38 حالة، ليصل العدد الإجمالي لهذه الحالات إلى 247 منها 8 تحت التنفس الاصطناعي الاختراقي، و147 تحت التنفس الاصطناعي غير الاختراقي".
بيان وزارة الصحة قال ان "معدل ملء أسرة الإنعاش المخصصة ل(كوفيد-19)، فبلغ 8، 7 في المائة" يعني ان هاد الشي ما شي بالخطورة اللي رسلها هاد المدعي اللي كيخلع لمغاربة
كيقول باللي الوضعية غادية وتكفس. وبالللي خاص ترد البال من السلالة المتحورة دلطا لڤيروس كورونا واضاف ان كلشي غادي يتسد. يعني هاد المتخلف ايلى كان بصاح عندو معارف كيعرف كثر من الحكومة
وطبعا باش يخلع المواطن النمغرب قال باللي ولد عمو هو الماجور السرغيني.
دابا هاد الشي خاص يفتح فيه الجينرال الوراق٬ المفتش العام للقوات المسلحة الملكية المغربية، تحقيق.