شكون هاد سمينة اللي كيحمي هاد عسيلة دسطات. خدا رخصة محلبة ف2019 وقلبها شيشة و"المخذرات" وجاه قرار يسد وكلشي خايف منو =صور=

سميتو عسيلة وعندو قهوى دالشيشة سميتها فضاء ايمان فسطات وبالضبط فتجزئة ام الربيع. عسيلة واحد من عينة ماشي كتحدى القانون واللا٬ اللي كيطبقو القانون كيخدمو معاه وكيحميوه.
السيد ما عندوش اصلا رخصة ديال قهوة. خرج قرار ف26 اكتوبر العام اللي فات =الوثيقة= باش يسدو ليه. المكتب الصحي الجماعي التابع لمديرية المصالح الجماعية فسطات عطى قرار 3788 لقائد الملحقة الادارية الخامسة بسطات. دابا راها قايدة٬ فيه "|قرار اغلاق للمجل الكائب بتجزئية الربيع الرقم 216 سطات "فضاء ايمان" طبعا رسلو ليه نسخة حتى هو واخرى للسلطات.
تعليل الجماعة لهاد الاغلاق هو كتستغلو المحل للشيشا وللمخدرات وانتوما عندهم رخصة محلبة خديتوها ف18 شتنبر 2019
حنا دابا ف4 يوليوز 2021 ومازل صاحبنا كيتحدى كلشي.
هادا ماشي مظلوم اللا. اصلا ما عندوش رخصة استغلال هاد الفضاء قهوة. ولفضيحة لكبيرة ياك حنا فزمن الجايحة. كيفاش كاينين محلات كيديرو الشيشة وكونتر بوند.
هادا راه كيدوزو عندو البوليس وكتعرفو القايدة وراه بزاف بزاف. شكون يحمي هاد اعسيلة. غادي يكون شي سمينة سمينة بصاح.
دابا يمكن خاص السلطات اللي فوق الباشا اللي دخل تنفد القرار. نتسناو ونشوفو اش غادي يوقع