ترامب دعا كَوكَل وفيسبوك وتويتر: جراو عليا وأنا باقي رئيس ميريكان.. وكيف دارو معايا يديرو مع حد آخر

علن الرئيس الأميركي السابق دونالد ترامب ، أنه تقدم بشكوى فحق مجموعات فيسبوك وتويتر وكَوكَل ومدرائها، واتهمهم بأنهم كانو دايرين "رقابة غير قانونية وغير دستورية"، وهذشي بعدما تطرد من هذ شبكات التواصل الاجتماعي منذ الهجوم اللي كان على مبنى "الكابيتول هيل".
وعلن ترامب، فنادي الكَولف ديالو، فبيدمينستر بنيوجرزي، أنه "اليوم، إلى جانب معهد أميركا أولا للسياسات"، وهو المعهد اللي كيروج لشعار ترامب "أمريكا أولا"، "قدمت، بصفتي ممثلا رئيسيا، إجراء جماعيا هاما باش ندعي عمالقة التكنولوجيا، منهم فيسبوك وغوغل وتويتر، والمديرين مارك زوكربيرغ وسوندار بيتشاي وجاك دورسي".
وقال، وهو كيهضر من النادي ديالو على منصة تكتبات فيها سميتو، أن هذ المدراء "رافضين رقابة غير قانونية أو دستورية... وكنطالبو المحكمة الفدرالية لمنطقة جنوب فلوريدا تأمر بالوقف الفوري لهذ الرقابة"، كيف قال
وقال أن عمالقة التكنولوجيا خرجو على السيطرة من بعد ما حضرو رئيس ميريكان من المنصات ديالهم وهو باقي فالمنصب، و"كيف دارو هذشي معايا يقدو يديروه مع حد آخر".
وكان فيسبوك علق موقتا حساب ترامب ف7 يناير فاش كان مزال رئيس، حيت شجع أنصارو خلال الهجوم الكابيتول فواشنطن، وهذشي اللي دار تويتر.
وكانو حيدو كَوكَل ويوتوب بزاف ديال مقاطع الفيديو ديالو اللي فيها تشكيك فطريقة معالجة منظمة الصحة العالمية للجايحة.
https://elaph.com/Web/Culture/2021/07/1446027.html