محامي المغرب: ما عمر الرباط كانت كليان ل"پيگاسوس" وعند "امنستي" و"فوربيدن سطوريز" 10 ايام باش يقدمو للقضاء ادلتهم

فاول خروج ليه بعد اختيارو من قبل المغرب محامي رسمي ليه فقضية التجسس "پيگاسوس"٬ قال الفرنسي اوليڤي باراطولي باللي قدام "امنستي" ومنظمة "فوربيدن سطوريز" 10 ايام باش يقدمو ادلتهم على ما نشروه بخصوص تجسس المملكة على صحافيين وسياسيين فالمغرب وفرانسا والجزائر...المحامي اكد ان الرباط ما عمرها استعملات هاد اللوجيسيال "پيگاسوس" وما عندها حتى شي علاقة تجارية او غيرها مع الشركة الاسرائيلية "ان اس او"
واكد باراطولي باللي حط شكاية ضد المنظمتين فباريس. الحكومة المغربية كانت قالت باللي قررات تابعهم. دابا المحامي اكد باللي القضاء توصل بالشكاية.
واستغرب المحامي ترويج معطيات خطيرة بحال التجسس على هاتف رئيس الدولة الفرنسية وشدد علي ان الرباط تنفي نفيا قاطعا هاد الاشاعات