شباط تلات بيه ليام.. من أمين عام سابق لحزب الإستقلال مشا للحركة الشعبية ومقرب منه ل"كَود": ها معامن كَلس ف حزب "السبولة"

حميد شباط، الأمين العام السابق لحزب الإستقلال، تلات بيه ليام.
السيد بان دبا ماعندوش غيرة على حزب الإستقلال، كيف كان كايدعي قبل، وهو فقط كايقلب على مصالحو.
مصدر "كَود" كشف أن شباط مشا لحزب الحركة الشعبية لكن مزال مابغا يخرج رسميا يقولها.
ووفق المعلومات التي حصلت عليها "كَود"، فإن شباط كَلس مع عدد من الوجوه البارزة البارح الخميس في حزب "السبولة" بمدينة إفران، وعلى رأسهم محمد أوزين الذي قاد مؤخرا مفاوضات كبيرة باش يجيب العمدة السابق ديال فاس للحركة الشعبية.
وحسب عدد من المتتبعين، لوكان شباط ذكي كان غايبقا ف الاستقلال وخا ماعطاوهش التزكية. كيفاش قدر يضحي بحزب كايقول أنه تربى فيه وساهم ف تطورو وماخلا ماقال ف ارتباطو بيه، ويجي ف التالي ويمشي لحزب آخر؟.. ومنهم أيضا اللي وصف هاد الترحال بالعبث السياسي اللي كايساهم بشكل كبير ف انعدام الثقة عند الناخبين.