بعد اتهام حميد شباط الأمين العام لحزب الاستقلال، حميد شباط، خلال لقاء جماهري مع مناضلي حزبه بمقاطعة زواغة بفاس، (اتهام) المجلس الجماعي لفاس بإيقاف مشروع وادي فاس الهام الذي ينجز بنحو 40 مليار سنتيم، قال عمدة المدينة، إدريس الأزمي الإدريسي، في تصريح ل"كود": "شباط مزال مابغا يفهم الواقع ديال فاس والمشروع الذي يتحدث عنه بالعكس كان فيه خرق قانون بشع حيتاش فالطريقة العقارية باش تصوب هاد الموضوع كانت التي لا تحترم القانون". وأضاف الأزمي عمدة فاس، ل"كود"، قائلاً: "المجلس السابق اللي كان يترأسو شباط لم يحترم القانون فهاد المشروع بما فيها العلو القانوني، بالإضافة إلى عدم احترام التجهيزات واش أعباد الله كاين قانون ديال التعمير اليوم اللي يسمح باش تكون تجزاءات تخالف القانون وحنا دبا عاد ردينا الاعتبار لهاد الموضوع، سواء تعلق الأمر بالمساجد أو المؤسسات التعليمية". وبخصوص اتهام شباط للمجلس الحالي بعرقلة الحركة الاقتصادية للعاصمة العلمية، قال العمدة الأزمي ل"كود": "هاد سي شباط خاصو يراجع نفسو شويا ويشوف الأوضاع كيف كانت وكيف صبحات اليوم ويدخل للعمق ماشي غير يبقى غير يهضر من الطرف ويلا بغا يخدم بالمعقول مرحبا بيه". كما هاجم بقوة الأزمي عمدة فاس المجلس المجاعي السابق، وقال ل"كود": اللي كانو مع شباط بطبيعة الحال دبا راهوم كيعانيو حيتاش كانوا خدامين في حكامة رديئة وبمنطق باك صاحبي وفاسة الآن فرحانين ولا يبتزهم أحد والحكام الجُدد جيبهوم فارغة وبطونهم حتى هي خاوية".
