فاسة منوضينها سباط على لفلوس. شكاية تحطات ففرانسا ضد المحامية الشهيرة بسمات الفاسي الفهري. اتهمها بنجلون التويمي باتهامات خطيرة بعد ما هرب من المغرب واختالس ملايير كثيرة

توصل مكتب مدعي الجمهورية بمحكمة باريس في 2 يونيو الفايت بشكاية ضد المحامية المغربية لي عندها مكتب بسمات وشركاؤها فكازا. لي رفع الشكاية هو محمد فريد تويمي بنجلون بصفتو فرنسي تولد في فاس سنة 1947. اي انو كيستقوى بجنسية فرانسا على بلادو.
وحسب تفاصيل الشكاية، المدعى كيطالب من القضاء الفرنسي يتدخل لمنع نهب جميع ممتلكاته وأصوله الموجودة على الأراضي المغربية، من طرف محامية معروفة كيما يدعي المشتكي.هاذ الشي على حساب الحيثيات لي ذكرها المحاميين ديالو في الشكاية. الشكاية مازال ما تاخذاتش فيه النيابة العامة ففرانسا حتى اجراء لحد الان
واتهم المشتكي المحامية بسمات باستغلال علاقاتها وشهرتها في الحصول على أحكام قضائية ضدو في ظرف 3 شهر بدفع 2.5 مليون يورو، وذلك بعد ارغامه على تقديم استقاله من منصب رئيس مجلس ادارة شركة "FIN-FLOUSS COM" المتخصصة في خدمات تحصيل واسترداد الديون التجارية والمدنية. المحامين ديال المشتكي، قالو أن الصداع بدا مع يونيو 2019، بعد نية موكلهم في تدبير الشركة بناءا على صفته كرئيس مجلس الإدارة ديالها ووقوفه على ممارسات مشبوهة، على حساب كلامو. وأضاف المدعي، أن هاذ الحوايج لي اكتشفها خلات المحامية بسمات ترغمو على توقيع اعترافات بدين بمبالغ مالية كبيرة لي طعن في صحتها القانونية أمام أمام المحكمة المدنية الابتدائية بالدار البيضاء. وبناءا عليها تم الحجز التحفظي على حساباته البنكية وفيلته..
ويدعي المشتكي أن المحامية بسمات استغلات السذاجة ديالو منذ انضمامه للشركة في 2007، واستخدمات حساباته المصرفية والتوقيع ديالو لأغراض غير مشروعة كما استغلات مستندات الهوية ديالو في إدارة شركات وتكوين أصول عقارية بشكل غير قانوني تقدر قيمتها بمئات الملايين من اليورو في فرنسا والمغرب وإسبانيا. ويدعي محمد فريد تويمي بنجلون شبكة بسمات بتحويل الشركة إلى ملجأ للممارسات والأنشطة المشكوك فيها واستغلالها أموالها لمصلحتها الخاصة ولصالح المقربين منها كشراء تذاكر رحلات جوية ونفقات حفل زفاف بباريس وتأثيث شقة في إسبانيا واستئجار سيارات.... هاذ الشي كامل على حسب الهضرة لي كيقول هو.
دائما على حسب أقوال وادعاءات محمد فريد تويمي بنجلون لي اكد انه عطا توكيل خاص للمحامية في 2010 باش تفتح حساب بنكي صافي، حتا لقا راسو في نونبر 2020، شريك مؤسس ومدير شركات وكيحضر اجتماعات عامة مزورة، بلا خبارو وعندو حسابات بنكية أخرى، ومن جملة الاتهامات لي وجهها المشتكي الفرنسي، استغلال المحامية بسمات للهوية ديالو بشكل احتيالي في تأسيس شركات للاستحواذ غير المشروع على العقارات لي كيتباعو في السيزي، و استخدام نماذج الشيكات ممتعلقة بحسابه المصرفي بطريقة احتيالية دون علمه لتسديد ثلاث دفعات وحيازة قطعة أرض عارية ف كازا وشراء أرض بمساحة 4.5 هكتار في محيط مراكش ، تتكون من أربع فيلات.
لكن هاد الشكاية فيها شي حوايج ما مفهومينش. اولا هاد الشريك اللي هو بنجلون التويمي بغى يستقوى فجنسيتو الفرنسية. ثم سبق ليه وقع اعتراف بدين بتاريخ 30/6/2021 مصادق على توقيعه له فالنهار اللي تبعو أي بتاريخ 1/7/2020 فيه تعد باش يسدد للشركة الدين اللي عليه وقيمتو 8.101.532,00 درهم وحدد 31 دجنبر 2020 باش يسددو.
باش ما قدرش مشى رفع دعوى كيقول باللي راه وقع الدين "تحت الاكراه" ولكن القضاء رفض هاد الدعوى. اي قال ليه كذبتي وراك وقعتي بخاطرك.
الشركة مشات للمحكمة باش تاخد دينها. لقات لخواض وفلوس كثيرة ما عندها علاقة بمصاريف الشركة.
عليه قضايا كثيرة فيها شكاية "من اجل النصب والاحتيال" ضدو واخرى بتهمة بسبابا "الاختلاس وخيانة الأمانة"