اش هاد التصريح الخاوي لبوريطة وبوريل بعد تصرفيقة المحكمة الاوبية. كولو لغة خشب بعد ضربة الحكم

بعد الحكم اللي صدر هاد الصباح من المحكمة الاوربية واللي بموجبو استثى الصحراء من الاتفاق المغربي الاوربي اي اي منتوج فلاحي او بحري جاي من هاد المناطق ما يمكنش يشملو الاتفاق وما يمكنش يدخل للاتحاد الاوربي٬ خرج قبل قليل بيان مشارك بين ممثل السياسة الخارجية في الاتحاد الاوربي جوزيب بوريل وبين وزير الخارجية والتعاون المغربي ناصر بوريطة.
هاد التصريح للي كان موجد اي ان المغرب كان يتسنى هاد الحكم بعد شكاية تقدمات بيها البوليساريو٬ فيه ان الطرفين اتخدو الاجراءات اللازمة باش يلقاو الاطار القانوني اللي كيضمن استمرار واستقرار العلاقات التجارية بين الرباط وبروكسيل.
كما اكد الطرفان انهما غاديين يبقاو متعبئين باش يكملو التعاون الثنائي فجو من الثقة والالتزام باش يحافظو علي الشراكة المغربية الاوربية اللي بدات من 2019.
كما التزم الطرفان بالاستمرار فتطوير مختلف اشكال الشراكة الاستراتيجية بروح من التعبئة والتعاون والتضامن.
ايلى شفتو غير الشفاوي وصافي. القرار استثنى المنتجات المغربية القادمة من الصحرا فالاتفاق وهما كيقولو روح التضامن والتعاون.