الحدود واش غادية تحل؟ رئيس الحكومة: هاد الموضوع فوق الطاولة ومتفاءل يكون فالاسابيع المقبلة

قال رئيس الحكومة عزيز اخنوش فلقاء مع "الاولى" و"الثانية" واللي دابا كيتبث بمناسبة 100 يوم على تشكيل الحكومة٬ ان موضوع فتح الحدود "فوق الطاولة".
اخنوش ما عطاش تاريخ محدد على فتح هاد الحدود لكنو قال ان اغلاقها فاللول كان صائب وفوقتو، واليوم بان بللي ماشي بالخطورة الكبيرة.
اخنوش قال انو يتفهم المطالبة بفتح الحدود "الناس يمكن يطرحو بعض الاسئلة. حتى حنا كنطرحو نفس الأسئلة"، لكنو اكد ان هناك لجنة علمية واخرى وزارية مكلفة بهاد الموضوع وهي اللي كتصدر توصيات وما على الحكومة الا ان تطبقها.
اخنوش اكد فهاد الحوار ان القطاع السياحي "مقصح بزاف" ولكنو عاد، وقال باللي هاد الموضوع "فوق الطاولة" وباللي "متفائل فالاسابيع المقبلة" تفتح هاد الحدود.
رئيس الحكومة قال ان الحكومة دارت تدابير فهاد السياق وان الحالة الوبائية هي اللي كتحكم فهاد القرار.