تجار "سوق الرصيف" ففاس كاعيين.. وقالو ل"كَود": البومبية جاو معطلين بزاف وكنا أكثر من ساعة ونص وحنا كنعيطيو ليهم وهاد الكارثة هلكاتنا

تجار "سوق الرصيف" قلب المدينة العتيقة كاعيين بزاف على الضرر الذي لحق بهم جراء النيران التي التهمت مساء أمس الثلاثاء محلاتهم وخلفت خسائر مادية كبيرة.
عدد من التجار المتضررين اللي هضرات معاهوم "كَود" أكدوا باللي عناصر الوقاية المدنية جاو معطلين بزاف لمكان الحادث، و واحد منهم قال بالحرف: "أكثر من ساعة ونص وحنا كنتصلو بيهم ولكن دون جدوى، وهادشي ساهم فاندلاع النيران بشكل كبير".
تاجر كيبيع الزيتون أكد أن أزيد من 2 طن ديال السلعة مشات ليهم بعدما حرقات العافية براميل كبيرة كان داخلها منتوج الزيتون الذي يعرضه للبيع، فيما تضررت محلات تجارية أخرى كيبيعو فيها "الخليع" وغيرها من المواد الغذائية المعروفة لدى أهل وزوار المدينة العتيقة.
هاد الكترثة اللي وقعات لتجار المدينة العتيقة جات على بعد أشهر قليلة من شهر رمضان. التجار قالو باللي وجدو باش يبيعو ويروجو الحركة فهاد العواشر لكن هاد العافية دات كولشي. أحدهم أضاف ل"كَود" قائلاً: "الأزمة ديال كورونا سالات معانا هادي مدة والجفاف زاد كمل علينا وهاد العافية جمعات وطوات كلشي".