أخنوش: الغالب الله حنا فظروف عالمية صعيبة وضغط كبير على الميزانية قادرين عليه وغادي نزلو البرنامج الحكومي

قال عزيز اخنوش، رئيس الحكومة، بأن الحكومة غادي طبق البرنامج الحكومي ديال هاد العام وديال السنوات المقبلة، مؤكدا أن رغم الوضعية الصعبة فإن الحكومة قادرة على مواكبة ارتفاع الأسعار.
وأوضح اخنوش، قبل قليل بمقر التجمع الوطني للأحرار بالرباط خلال اجتماع هيئة الأغلبية الحكومية، بالقول "كاين ضغط كبير على الميزانية لي قادرين به"، مضيفا "الغالب الله حنا فظروف عالمية صعيبة وشفتو اش واقع ف أوكرانيا والله يعطينا الخير والأمطار وباقي الوقت باش نربحو الزراعة الربيعية".
وتابع اخنوش "حكومة منسجمة وغانكونو واجدين ونتواصلو مع المواطنين ونعطيوهم معلومات صحيحة".
وتحدث أخنوش عن زمة الطاقة لي عندها تأثير على الأسعار، قوال بلي الحكومة غادي تساير هاد الأشكال وكذلك قضية قلة الماء.
اخنوش هضر على البرنامج الملكي ديال 10 ملايير درهم لمساعدة الفلاحين والكسابة وبرامج الماء وبرنامج اوراش ديال20 الف منصب شغل.
وتابع "الأسعار عارفين اش كاين فالعالم، رغم قلة المياه المنتوجات الفلاحية ثمنها مستقر وعدد المنتوجات حنا معها فالدعم فحال الكهرباء يلا جينا نطبقو التكلفة ب14 مليار درهم خاص شي 40 في المائة ديال الزيادة ولكن الدولة تحملها، كذلك الطحين، القمع اللين كيتباع غالي، كنخلصو الفرق ديال 80 درهم فالقنطار ولسكر كذلك"
وكشف اخنوش بلي غذا كاين حوار غذا مهنيين قطاع النقل باش مايكونش تأثير على الأسعار والنقل ديال المواطنين.