البرلمان الصبليوني ختار نهار زيارة سانشيث للرباط باش صوت على اقتراح ضد قرار الحكومة بالاعتراف بمغربية الصحرا. اقتراح ما عندو قيمة واليسار الراديكالي المشارك فالحكومة ماشي سوقو السياسة الخارجية

صوت الكونگريسو الصبليوني هاد النهار على اقتراح كيهم الصحرا تقدمات بيه "بوديموس" اليسار الراديكالي المشارك فالحكومة و"اليسار الجمهوري الكاتالاني" و"بيدلو" =اليسار الباسكي=. هاد المقترح فيه تصحيح لقرار رئيس الحكومة الاعتراف بمغربية الصحرا وكيوصي باش تحافظ مدريد على موقفها السابق وهو تقرير المصير ودعم الامم المتحدة.
التصويت كان بالاغلبية بعد دعم الحزب الشعبي المحافظ لهاد القرار فيما لم يصوت "بوكس" اليمين الراديكالي وسيودادانوس =الوسط الليبرالي= علي القرار لا بالموافقة ولا بالرفض. وكان سيودادانوس وصف البوليساريو البارح بالمجموعة الارهابية
وعارض المقترح الحزب الاشتراكي العمالي اللي كيقود الحكومة.
طبعا هاد التصويت ما صالح والو. هو موقف سياسي من اليسار الراديكالي والاحزاب القومية وصافي. ما غادي يفرض حتى حاجة على رئاسة الحكومة. بيدرو سانشيت مع وزير خارجيتو الباريس للي غادي يكون معاه اليوم فالرباط٬ بيدهم السياسة الخارجية للبلاد.
موقف رئيس الحكومة من الصحرا موقف للدولة الاسبانية وتصويت مجلس النواب اليوم ما عندو حتى شي تأثير على هاد الموقف. "بوديموس" من اليسار الراديكالي المشارك فالحكومة مازال كيساند هاد الحكومة فقراراتها. ايلى بغى يحتج كان عندو امكانية هو الانسحاب منها٬ وهو ما لم يقم به٬ بل ان بوديموس" اعلن اكثر من مرة باللي مازال مشارك فحكومة سانشيث
صحاب البوليساريو تصطاو. فرحانين بتصويت خاوي. شدو فالبوطة وصافي. هاد الشي كيبان فاعلام الجارة الشمالية اللي ما داهاش بزاف فهاد الشي.