بنسليمان: ما كاينش شي مغربي ما كيبغيش والديه يستافدو من الحماية الاجتماعية والحكومة خرجات مراسيمها بالزربة

قال يونس بنلسيمان عن التجمع الوطني للأحرار باللي الحكومة خدامة بزاف باش تخرج "مراسيم تنزيل ورش الحماية الاجتماعية" فاسرع وقت بعد ما تقادو مزيان
بنسليمان اوضح فجلسة الاسئلة الشفوية البارح الاثنين فمجلس النواب بحضور وزير الصحة والحماية الصحية٬ باللي المراسيم التطبيقية للحماية الاجتماعية صايباتها هاد الحكومة وقاداها وباللي "رئيسها واعضاءها دارو الواجب ديالهم باش خرجو هاد المراسيم فأقرب وقت وبسرعة قياسية"
بخصوص سحب مشروع التغطية الصحية للوالدين من قبل هاد الحكومة٬ قال نائب الحمامة عن مراكش باللي "ماكينش شي مغربي ميبغيش الوالدين يستافدو من التغطية الصحية، لدينا أخلاق وتقاليد راسخة، وديننا يوصينا بالوالدين" واكد ان الحكومة "حريصة على ضمان الحق في الرعاية الصحية والتغطية الاجتماعية لهذه الفئة في إطار تنزيل ورش الحماية الاجتماعية، والذي لا يستهدف فقط الوالدين، وإنما العديد من الفئات.