ضربة ل"جازا بلانكا". فنان نيجيري كيقاطع المغرب بسباب مقتل 23 مهاجر فمليلية

الفنان النيجيري المعروف Seun Kuti قرر يقاطع مهرجان جازابلانكا اللي غادي يدار فكازا من 1 الى 3 يوليوز.
وجا فبيان من مكتب الفنان النيجيري انه خدا هاد القرار بسباب احداث مليلية اللي حاولو فيها مهاجرين يقتاحمو الگرياج واللي ماتو فيها 23 واحد.
واضاف Seun Kuti، ان هاد القرار خداه حدادا على الناس اللي ماتو وهما كيحاولو يدخلو لمليلية.
أحداث محاولة اقتحام عدد من المهاجرين غير النظاميين منطقة العبور بين مدينتي الناضور ومليلية.
الأحداث المؤسفة والمؤلمة وقعات نهار الجمعة 24 يونيو 2022، فالمعبر الحدودي بين مدينتي الناظور ومليلية، باش حاولو مهاجرون سريون من بلدان إفريقيا جنوب الصحراء، يقتاحمو جماعيا السياج الحديدي. 23 مهاجر سري ماتو وتصابو 140 فرد من القوات العمومية المغربية.