شركة البدراوي ديال الزبل خلات سلا كتغرق بالزبل فهاد العيد.. ماوفاتش بالعقد والجماعة غرماتها كثر من 20 مليون

قرر مجلس جماعة سلا اللجوء الى القضاء ضد شركة اوزون التي يديرها عبد الرحمان البداوي، لي هو فنفس الوقت رئيس الرجاء الرياضي، وذلك عدم وفاءو بالعقد لي مع جماعة سلا فقطاع النظافة.
اوزون مكلفة بالتدبير المفوض لقطاع النظافة بمقاطعتي تابريكت والعيايدة، اتهماتها جماعة سلا بعدم احترام دفتر التحملات المتعلق بتجميع النفايات في مدينة سلا، بعد مرور سبع سنوات على العقد الذي تم تجديده في عهد العمدة السابق.
وقررت الجماعة الحضرية لسلا تغريم الشركة المكلفة بتدبير قطاع النظافة بالمدينة، بأزيد من 200 الف درهم، والرقم باقي كيطلع.
جماعة سلا دارت مجهود كبير باش تعوض الخصاص لي خلات اوزون، لي مفروض عليها انها تبقى حتى تدخل الشركة الجديدة باسطولها وبكولشي. ومع العواشر، اختارت شركة البدراوي تخوي بالساكنة وتخليهم منهم للزبل.
فضايح شركة النظافة اوزون، مزال مستمرة، بحيث كشفت وثيقة رسمية صادرة عن جماعة سلا وقعها العمدة عمر السنتيسي، أن الشركة موفاتش بوعودها قبل 30 يونيو 2022 تاريخ نهاية العقد مع جماعة سلا بخصوص تدبير النفايات في مقاطعة تابريكت ومقاطعة العيايدة.
وقالت الوثيقة التي حصلت عليها "كود" أن الشركة لم تفي بالتزاماتها، تأكيدا لما نشرته "كود" حيث فرضت الجماعة غرامات مالية تفوق 200 الف درهم على الشركة بسبب تركها لمدينة سلا وسط الازبال.
وكشف الوثيقة أن جماعة سلا وعدت الساكنة بحل مشاكل تراكم الأنبار على مستوى نقط التجميع.
وأكدت الوثيقة أن الجماعة تتجه نحو القضاء عبر اتخاذ جميع الوسائل القانونية لحماية حقوق الساكنة والجماعة.
ووعدت الجماعة بتسريع مساطى ولوج الشركة الجديدة المعهود لها بتدبير قطاعي النظافة داخل المقاطعتين في إطار العقدة الجديدة ومواكبتها لحل هذا الملف بشكل نهائي.
وأكد عمدة سلا، عمر السنتيتي، في اتصال سابق مع "كود"، عن تسجيل غرامات تفوق 200 ألف درهم ضد شركة "أوزون" بسبب تراخيها في جمع الأزبال خلال شهر يونيو، وذلك قبل ماتسالي الشركة الكونطرا ديالها نهار 30 يونيو.
وقال السنتيسي ل"كود" :"مور فاش درنا ابيل دوفر وجات شركة جديدة خدات المارشي ديال جمع الازبال بلاصت شركة اوزون لي مخداتش المارشي هاد المرة، وقع تراخي كبير فجمع الازبال، وصل لدرجة اننا نتدخلو عبر لجن المراقبة ونجيبو مفوضين قضائين لمعاينة الازبال المنتشرة فجوج مقاطعات (تابريكت والعيايدة)".
هاد التراكم الكبير ديال الازبال تزامن مع ايام عيد الاضحى، وهادشي خلال مجلس جماعة سلا يتدخل بصرامة ويطبق الغرامات المالية على شركة اوزين.