إلكَراندي طوطو والمورفين وموبيديك ودوليبران وهوبا هوبا سبيريت وزيد وزيد .. البولفار راجع كلو حيحة ونشاط – التفاصيل

من بعد عامين ديال التوقف بسباب جايحة كورونا، كشفات جمعية التربية الفنية والثقافية البارح الاثنين على البرمجة ديال فيستيفال "البولڤار" من 23 شتنبر حتى ل 2 أكتوبر في ملعب الراسينگ البيضاوي R.U.C.
هاد الدورة مميزة بزاف عند ليكيب ديال البولفار حيت كتحتافل ب20 عام على بدايتو، وكاملين متحمسين باش يبداو مسابقة ترومبلان والسهرات والسوق والسيرك وزيد وزيد.
في هاد العشريام ديال البولفار، كازا غادي تهتز على الايقاعات الموسيقية المتنوعة ما بين الهيب هوب والميطالل والروك والفيزيون والراب، مع ضيوف مغاربة وعالميين الهم ديالهم الرئيسي هو يضمنو الحيحة والنشاط.
البرنامج هو:
الجمعة 23 شتنبر ابتداء من 17H30:
– DJ KEY
– VARGAS
-ABDUH
-KHTEK
السبت 24 شتنبر ابتداء من17H30
– DEEP SCAR
– Haoussa
– Psykup
الأحد 25 شتنبر ابتداء من17H30
– BAZOGA
– MIZANE
– HASBA GROOVE
– RIBAB FUSION
الجمعة 30 شتنبر ابتداء من 18H30
– IGUIR
– L'Morphine
– DOLLYPRAN
– MOBYDICK
– ELGRANDE TOTO
السبت 1 أكتوبر ابتداء من 18H
– HOLD THE BREATH
– ARKA'N ASRAFOKOR
– BETWEENATNA
– VADER
الأحد 2 أكتوبر ابتداء من 18H
– JUBANTOUJA
– LENTOURLOOP
– ALBOROSIE ET SHENGEN CLAN
– HOBA HOBA SPIRIT
في الأنشطة الموازية، كيقتارح البولفار في دورتو ال20 نهار الأحد 25 شتنبر ابتداء من 6 العشية في فضاء LPITCH لقاء مع صحاب كتاب "جيل لكلام – شعراء حضريون" لي كيركز على المشهد الموسيقي الجديد لي بان في منتصف التسعينات، ولي قامت فيه دومبينيك كوبي، عالمة اللغويات الاجتماعية ومتخصصة في الدار المغربية وأمين حامة المناضل في المجال الثقافي والرائد في المشهد الموسيقي المغربي صنف الفيزيون بتحليل شنو كيقولو المغنيين وشنو كيغنيو وبأي لغة.
وفالسوق غادي يتم عرض فرقة COLOKOLO ديال ألعاب الخفة نهار الجمعة 30 شتنبر ابتداء من 16H30، وغادي تكون حتى ورشات ديال الشطيح.
الندوة لي دارت البارح في كازا، تجمعو فيها وليدات البولفار والناس لي كيدعموهم من النهار الأول، ولي كيآمنو أن الموسيقى والثقافة والفن هو الحل، والختام ديال السهرة لي بدات مع DJ كانت بالعونيات لي خلاو كلشي ناشط.
تفاصيل كثر على البرمجة غادي تلقاوها في صفحة البولفار على انستگرام: https://www.instagram.com/lboulevard_festival/