الجيل الجديد خاص يتعلم الصناعة التقليدية.. برنامج "دريم آرتيست" ضرب عصفورين بحجرة وحدة

نحج برنامج دريم آرتيست في حلقة البرايم الثالث البارح الاثنين لي مخصصة للصناعة التقليدية باش يضرب عصفورين بحجرة وحدة، بعدما بين الصناعة التقليدية المغربية، ودق ناقوس الخطر من اندثار صناعة الزربية، لأن بزاف ديال الناس للأسف مبقاوش كيتعلمو الحرفة، وتقدر الزربية التقليدية متلقاش حرفيين لي يصوبوها من هنا 50 عام.
المتسابقين وقبل ما يبداو مرحلة التنافس، زارو جمعية وسط كازا لي تعرفو من خلالها عن قرب على كيفاش كتصاوب الزربية المغربية والأنواع ديالها وتمنات رئيسة الجمعية باش الجيل لي طالع يتعلمو كيفاش يصاوبو الزربية التقليدية المغربية على حقها وطريقها.
البرنامج كيسلط الضوء على الفنونالمرئية بمختلف تصنيفاتها، ولي كتشمل الرسم، التصوير، ستريت آرت، ديجيتال آرت،النحت وحتى الالستراسيون، هاد الفنانين غادي يتنافسو مع بعضياتهم باش يديو الجائزةالكبرى لي هي 35.0000 درهم، وهو المبلغ لي يقدر يفتح ليهم باب النجاح ويدير أولمعرض فردي.
في كل برايم لجنة التحكيم كتعطي للفنانين 10 ديال السوايع باش يبينو حنة يديهم، والبقاء كيبقى لأحسن واحد قدم خدمة زوينة ونقية.
وتجدر الإشارة أن البرنامج وقبل مايوصل لمرحلة البرايمات، داز من 2 مراحل، الأولى استقبل فيها 300 فنان من مختلف أنحاء المغرب، تم اختيار 23 واحد، ودابة المنافسة قائمة بين 12 واحد، جوج منهم مشاور وفي كل برايم كيمشي فنان حتال يبقى الفائز النهائي.