حسنية أكادير راسلت الجامعة بسبب التحكيم فماتش الرجاء

عبرت إدارة حسنية أكادير على عدم رضاها بالمستوى ديال التحكيم فماتش الفريق السوسي والرجاء الرياضي يوم الأربعاء الماضي، واعتبرت أن فريقها تظلم فالمباراة اللي كانت مؤجلة عن الجولة 5 من البطولة الإحترافية لكرة القدم.
ورسل نادي حسنية أكادير إحتجاج رسمي إلى مديرية التحكيم فالجامعة الملكية المغربية لكرة القدم بخصوص الحيف حسب التعبير ديالو اللي تعرض له فالماتش ضد الرجاء الرياضي فمؤجل الجولة الخامسة من البطولة الاحترافية، وهاذشي نتيجة ما اعتبره عدم التطبيق السليم لتقنية الفيديو المساعد "الفار".
للإشارة فضربة الجزاء اللي علن عليها الحكم ياسين بوسليم فالماتش لمصلحة الرجاء الرياضي خلقت جدل كبير، وما شي فقط عند جمهور حسنية أكادير اللي تفاعل مع هاذ القرار التحكيمي وشاف بلي فرقتو الظلمت، ولكن عند بزاف المتتبعين وخلقت انقسام كبير ما بين مؤيدين للقرار ومعارضين.