ها شنو دار مدرب إشبيلية صامباولي مع النصيري وبونو قبل ما يلعبو المونديال مع المغرب

غادي يلعب المهاجم المغربي يوسف النصيري أساسي اليوم الأحد فماتش إشبيلية ضد جيرونا فكأس ملك الصبليون وهو آخر ماتش له مع فرقتو قبل ما يشارك مع المنتخب الوطني المغربي فكأس العالم، أمام الدولي المغرب الأخير ياسين بونو ماغاديش يلعب.
وقرر المدرب الأرجنتيني خورخي صامباولي يعتمد على يوسف النصيري كأساسي قبل ما يسافر لقطر باش يلعب مع المغرب كوب ديموند، وغادي يلعبو فكأس مهم بالنسبة لإشبيلية، حيث مسابقة كأس الملك مهمة بزاف للفرقة، وهذا أول ماتش غادي يلعبو يوسف النصيري أساسي من بعدما برا من الإصابة حيث دخل غير احتياطي الماتش اللي فات.
وعكس النصيري اللي غادي يلعب تيتلور، قرر مدرب إشبيلية يخلي ياسين بونو فالاحتياط، وما يلعبوش، مع العلم أن بونو النصيري غير غادي يسالي الماتش غيشدو الطريق لقطر باش يوصلو على المنتخب الوطني المغربي للمشاركة فكأس العالم.