رئيس الفيفا: مع قطر ضد البيرا ومع المثليين ضد قطر. شكون قال ليك راها قطر كتمثل العالم الاسلامي وواش ما كتعرفش توجهها الاخواني

رئيس الاتحاد الدولي لكرة القدم كيتناقض مع راسو. اليوم فالندوة الصحافية قال باللي كيدعم المثليين واكد من الدوحة "كنحس براسي قطري، وعربي، إفريقي، كنحس براسي مثلي الجنس، كنحس براسي من ذوي الاحتياجات الخاصة، كنحس براسي عامل مهاجر". وزاد "مرحبا بالمثليين".
هاد الشي فبلاد كتجرم هاد العلاقة.
مع المثلية اللي عندهم لوبي قوي واللي ممكن يخسر رئاستو للفيفا ايلى قال لتصريح من غير هاد التصريح٬ كان رئيس الفيفا مع حقوق هاد الفئة. موقف كان نعتابروه محترم بزاف كون ما تناقضش مع راسو.
ففضية البيرا كان عندو خطاب محافظ متخلف. قطر باش خدات المونديال كانت عارفة ان من داعمي المونديال كاينة "بيدوايزر" اللي هي ماركة عالمية دالبيرا. فجميع المونديالات كتباع بشكل عادي فالتيرانات. دابا كيقول ساعات بعد منعها من قبل السلطات القطرية باللي "بزاف ديال الدول كتمنع المشروبات الكحولية فالتيرانات" طبعا بلى ما يقول هاد لبلدان وبلى ما يقول باللي كيسمحو لهاد الجمهور يشربها قدام التيران فبارات مفتوحة.
لكن من غير التناقض حاول رئيس الفيفا يقدم معطيات ماشي صحيحة باش قال باللي الغرب غادي يتعرف على العالم العربي والإسلامي".
اول مرة كنعرف ان قطر هي صورة العالم العربي الاسلامي. علاش يا خويا. البيرا عندنا كتباع وموجودة فبلاد فيها امير المؤمنين اللي ما عندكش قطر. هاد الدولة متحكم فيها التيار الاخواني اللي عندو تفسير غبي للدين. ما تبقاش يا السي انفانتينو تقدمها كصورة للعالمين العربي الاسلامي. راه قطر ماشي هي مصر ولا هي لبنان ولا هي تونس ولا هي الجزائر... كل هاد الدول مسلمة ومتفتحة. علاش باغي تعطي للعالم النموذج القطري وماشي نماذج اخرى.