بونو: جاتني الدوخة وقلت لركراكي يخرجني باش ما نضيعوش فتغيير وخاصنا نربحو كندا

طمأن ياسين بونو لكول ديال المنتخب الوطني المغربي، المغاربة على الحالة الصحية ديالو من بعدما جاتو كريز قبل الماتش ضد بلجيكا فكأس العالم قطر 2022، وحرماتو يلعب ودخل بلاصتو الكول الثاني منير المحمدي.
وقال ياسين بونو من بعدما سالا الماتش ما بين المغرب وبلجيكا: "الدراري تقاتلو وباقي الماتش الثالث اللي خاصنا نبانو فيه بأحسن مستوى باش نتأهلو حنا الأولين فالكروب".
وبخصوص الحالة الصحية ديالو قال ياسين بونو: "انا مزيان دابا، اليوم ما لعبتش حيث كنت توعت ضد كرواتيا درنا مجهودنا باش نلعب ضد بلجيكا، ولكن قبل ما يبدا الماتش حسيت بالدوخة، وماكناش باغين نضيعو تغيير داكشي علاش خرجت ودخل بلاصتي صاحبي منير المحمدي يلعب الماتش وكلشي داز مزيان، والدراري اللي دخلو جابو الرباح".