المنتخب سالا الاستعدادات لكندا وها علاش ركز الركراكي واللعابا قبل الماتش

سالا المنتخب الوطني المغربي الاستعدادات ديالو لماتش كندا غدا الخميس، فالجولة الثالثة من كأس العالم قطر 2022، وهو الماتش اللي معول المغرب يبرح فيه باش يتأهل لثمن نهائي البطولة.
ودار المنتخب الوطني المغربي مساء اليوم الاربعاء، اخر حصة تدريبية قبل الماتش ضد منتخب كندا، وركز الناخب الوطني ليد الركراكي فالحصة التدريبية لنهار اليوم على وضع آخر اللمسات مع المجموعة قبل لقاء يوم غد.
كتدخل المباراة ما بين المغرب وكندا اللي غادي تجرى فتيران الثمامة وهو نفس التيران اللي لعب فيه المنتخب الوطني مع بلجيكا الماتش اللي فات، (كتدخل) لحساب الجولة الثالثة عن المجموعة السادسة من منافسات كاس العالم التي تحتضنها قطر، وغادي يبدا الماتش مع 4 لعشية بالتوقيت ديال المغرب.