شكوك فمشاركة لعابا فرنسيين ضد المغرب فدومي فينال المونديال

كتحوم الشكوك حول مشاركة نجم وسط تيران المنتخب الفرنسي أدريان رابيو، والمدافع ديو أوباميكانو فماتش نصف نهائي كأس العالم قطر 2022، ضد المنتخب المغربي اليوم الاربعاء فتيران البيت فالعاصمة القطرية الدوحة مع 8 الليل.
وحسب آخر المعلومات فاللعاب أدريان رابيو اللي غاب البارح فالحصة التدريبية الأخيرة قبل مواجهة المغرب، حيث مروح، صعيب يكون حاضر فالماتش ضد المغرب فنصف النهائي.
أما بخصوص دايو أوباميكانو واللي حتى هو كان مريض بالزكام وشادينو لحلاقم وغاب على 2 حصص تدريبية، قدر يفطر مع صحابو فالمنتخب صباح اليوم، ولكن حتى مشاركتو مع الفرنسيين فدومي فينال ضد المغرب كيبقى مشكوك فيها.