الفيفا ضيف عند الوداد.. لجنة الإتحاد الدولي زارت النادي وتلقات مع المسؤولين الوداديين

قامت صباح اليوم الجمعة لجنة من الإتحاد الدولي ديال كرة القدم بزيارة فريق الوداد الرياضي، وهادشي داخل فاطار التحضيرات لبطولة السوبر ليك الإفريقية، وهادي جولة ديراها اللجنة لجميع الفرق المرشحة للمشاركة.
وحسب مصادر مطلعة فلجنة ديال الفيفا جات الكازا وراه دارت جولة فتيران بنجلون وفتيران ستاد دونور، باش تعرف إمكانيات الوداد وتلقات بأعضاء المكتب المديري ديال الحمرا، وهذا بروتوكول دارتو الفيفا قبل ما تعلن على شكون الفرق اللي مشاركة فمسابقة سوبر ليك الإفريقية.
نفس المصادر أكد أن الوداد الرياضي كيبقى مرشح بقوة باش يشارك فالنسخة الاولى من بطولة السوبر ليك الإفريقية، بالنظر للمسار ديال الفريق مؤخرا فإفريقيا والسيطرة ديالو على الأدوار النهائية فعصبة الأبطال خلال السنوات الماضية وكان ربحها العام اللي فات إضافة إلى إمكانيات النادي اللي غادي يستافد من دعم مالي ديال الكاف بعد إعلان مشاركتو كيوصل لحوالي 4000 المليار.