غياث لوزيرة المالية: شنو درتو للمضاربين ورباعة البانضية المحتكرين للي تسناو حتا بقات 3 ايام لرمضان وناضو كيلعبو بالاسعار وماراعوش لا لمصلحة البلاد ولا العباد؟

قال محمد غياث، رئيس فريق التجمع الوطني للأحرار بمجلس، إن موضوع غلاء الأسعار فيه اجماع بين الأغلبية والمعارضة، موضحا :"ماكاين لا اغلبية ولا معارضة فهاد الملف المتعلق بالقوت اليومي للمغاربة".
وأوضح غياث، في مواجهة مباشرة مع وزيرة المالية نادية فتاح علوي، يوم أمس بلجنة المالية بمجلس النواب، :"واهم من يعتقد بأن الحكومة بغات هاد الوضع باش المغربي يمشي للسوق ويرجع بقفة خاوية، وهادشي ميمكنش نقبلوها".
وأضاف غياث :"خصنا نقولو الحقيقة كما هي، الدولة منذ 15 سنة وهي خدامة لتأمين المنتوج بغض النظر على تعاقب الحكومات، واليوم تمار مخطط المغرب الاخضر بانت مع الازمة، بحيث فالوقت اللي العالم كامل يعيش حالة الندرة، المنتوج موجود وبوفرة ولكن المواطن مقادرش يشري".
وتابع غياث :"كاين شي حاجة ماشي هي هاديك وكاين من يغامر بأمن العباد والبلاد ولا يعقل ان البصلة تخرج من اكوراي في مكناس ب3 دراهم وتباع فكازا والرباك ب17 درهم، وماطيشا تخرج من ايت ملول وتباع فالرباط وطنجة ب12 درهم، وهادشي يوقع فجأة قبل رمضان اللي معروف بزيادة الاستهلاك".
وأوضح غياب :"اذن كاين الخرباقة وكاين رباعة البانضية والمحتكرين اللي ماسوقهمش لا فمصلحة البلاد ولا العبار وغرضهم غير فالربح".
وتابع :"اش غادير الحكومة باش تدبر هادشي.. خصها تنوض دير خدمتها ، الدولة عندها الامكانيات كلها وحنا كنقولو مستعدين فالاغلبية نوجدو مقترحات قوانين لحماية المغاربة".