رأي شخصي في الصحافة الوطنية

مرة مرة كاندخل لواحد الموقع Hesspress أكبر تجمع للكلاخ و المكابيث في المغريب, خاصك غير تجبد ليهم شي واحد أولا شي وحدة فيهم ريحت التمغرابيت حتى تشوف الردود, ماكاين غير النقد و السبان قليل لي كايدير شي تعليق موضوعي وخا ماكايعقلوش عليه لاخرين, ها الأنصار ديال المساء ها لاخرين ديال الأحداث أو شي وحدين من أنصار التجديد, ما كاين غير الليعطيك صحايحتك, الفراجة ديال الكلاخ المبين نساو بلا الجورنانات دايرين لاباس بيهم, بمناسبة الحديث على الجورنانات وكولشي ولا صحافي و الجورنان ولا غير كانا, كايتستونا شي برهوش كاكلاشي شي واحد, بعد المرات كاننقول مع راسي عندك نكون داير مع شي صحافي سي ستون قديم و يبقا حاقد عليا ...شي واحد سلفك شي سبرديلة تقصر بيها شي ماتش في 1992 وتقبتيها ليه أولا شي واحد ديتي من عندو شي 4 دريال سليلو أ 6 دريال شربة و ماخلصتيهش, والله حتى يمشي كتب عليك شي واحد شي حاجة مقودة تايخرج عليك كولشي يولي عدوك و ديك الساعة يكون فات الأوان.
لا أعتبر نفسي مقاطعا للصحافة المغربية و لكن لدي مبدأ تجاه جل الصحافيين و المراسلين إن لم أقل الكل و الذين يغتنون على حساب جيوب المزاليط, و لكي أوضح أكثر ينبغي أن نعرف معنى الصحافة أولا, فبالإضافة إلى إيصال الخبر دون زيف أو تأويل ولا احتكار للخبر ينبغي على الصحافي التحلي بالمحايدة و تناول الأحداث بموضوعية تامة باعتباره حلقة الربط الأولى بين الدولة و الشعب و أن كل كلمة تصدر عنه يحاسب عليها و إلا لما سموها السلطة الرابعة.
المتأمل في صحفنا و عناوينها الكبيرة حجما و ليس مضمونا يمكن أن يستخلص فكرة سريعة و هي أنه لا سبيل للمقارنة مع صحف المشرق, فمقالاتنا كلها ناشفة أو خرافات و تنبؤات و كأنك تقرأ الأبراج أو تزور شوافة و أكبر دليل على ما أقول يوم استقالة السيد المحترم فؤاد العالي الهمة فالصحف اغتنت من هذا الحدث و كل صحفي تفنن في تفسير الواقعة و استعراض مهاراته الذكائية الخارقة فمنهم من عينه على رأس الحكومة و منهم من ذهب إلى أبعد من ذلك, المهم لا شيء من ذلك حدث.
الصحافة الفنية و الثقافية و بعض الرياضية في الحضيض فهم يمارسون ثقافة "إنا عكسنا" و لم أصادف إلا ناذرا مقالا يشجع البرامج المغربية و العربية أو صحافيا راضيا عن الفنانين الجدد, ربما هو رفض مسبق لعدم القدرة على مسايرة التطور الفني في العالم أو لضعف الثقافة الفنية عند هؤلاء الصحفيين و ربما -و هذا ما أرجحه- الجهل التام بالفن و ما تلك الأخبار إلا وسيلة لتحصيل الخبز.
بغيت نختمها بلا هادا رأي شخصي يعني نقدر نكون غالط كيفما نقدر نكون على صواب, المهم ماتشروش الجورنان باش تعيشو ترونكيلو ...
عن مدونة عبد القادر المسفيوي