الريحة عطات ؟؟

لقاء يومي متجدد على محمدية بريس
الريحة عطات ؟؟
(كتابة المقال بطريقة النقل التلفزي)
جميل انو القسم المتخصص في الانارة والاشارات الضوئية بالجماعة تاع المحمدية فكر احداث اشارات ضوئية في عدد من النقاط الهامة بالمدينة واللي كيوقعو فيها عدد من حوادث السير ، مزيانة الفكرة وهاذ التفكير الفد .
ولكن المؤاخدات والانتقادات كثيرة ثاني وثالث ...
السؤال : في مرأب الشركة تاع الكهرباء اللي فوضها المجلس بالاشارات الضوئية واللي متواجدين داب في ملتقى شارع الرياض والمختار السوسي اش كيديرو سطوبات او الاشارات الضوئية الثلاثية قدام، والعلب تاع التحكم ديالهم واللي كانو في تقاطع شارع سبتة مع المقاومة واللي ولات في مكانهم مدار رومبو امنذ حوالي سنة هاذ المتلاشيات اللي تهزات من المرأب البلدي وصبحات في تصرف الشركة المذكورة بقدرة قادر وتمسحات وتبريكولات وتصبغات على اساسات معروفة وتم توظيفها اذن فعدد من النقاط هاذ الايام ..كان هذا سؤال رقم 1؟

السوؤال رقم 2 - كنتواجدو داب في شارع مولاي يوسف اللي كيأدي لفندق سامير كنشوفو عدد من اعمدة الاشارات الضوئية الثلاثية ، لها شكل جذاب ورائع ، طبعا كتختالف على الاشارات الضوئية اللي في العاليا واللي كدار داب او اللي دارت كيف ما كتشوفو في الصورة ، المواطنين في العالية را ماعجبهمش الحال وحسو بالحكرة والانتقائية ، والاكثر من هذا حسوا وعاقو باللي القضية فيها ان ، وليها كلام وليها حساب.
اوا هل من رد هل من تعليق مرة اخرى ؟؟

نتلاقاو غدا في الصباح فجوج كلمات وموضوع جديد.
لمن فاتته مشاهدة حلقة امس من اللقاء اليومي : جوج كلمات يرجى الضغط هنا
واللي ماشافش موضوع النافورة يضغط هنا
ولمشاهدة باقي الحلقات الماضية يرجى الرجوع الى القائمة الرئيسية
بالموقع والضغط على فقرة جوج كلمات