اش هاذ لحالة لأبواب سورالقصبة؟

لقاء يومي متجدد على محمدية بريس
اش هاذ لحالة لأبواب سورالقصبة؟

اقل مايمكن يتقال هو حشومة ، عيب ، عار ، اش هاذ لحالة لسور القصبة تاع المحمدية ، اش هاذ لعكز والتهميش والبتروالتقزز اللي كتنهجو السلطات بالمحمدية تجاهو، اش هاذ الانتهاك الفظيع للقيمة التاريخية والاثرية والفنية خاصة غ نتحدثو اليوم علي جوج بيبان اللي في دخلا تاع هاذ السور .
لمهم قبل شي خمس شهر قامت السيدة القائدة بطمس واحد من هاذ البيبان بالسيما والرملا والباب لقديم تلاح عوض صنع باب جديد بنفس الواصفات والطريقة اللي كان بيها لول، الاسبوع الماضي السيدة القائدة عملات نفش الشيء مع الباب اللي بقا تلاح وارا بصلاانا والرملا ، فعلا عقلية فذة الحلول عندها موجودة وسريعة لاي مشكلة حتى لو كانت ذات قيمة تاريخية واللي كتعتبر القلب تاع المدينة .
الحجج الي عرفنا وسمعنا واللي على لسانها داب هو ، اه حكا لباب تهرس ولاو المتشردين تيدخلو ويسكرو وسديناه بالبصلانا ، السيدة القائدة لقات الحل الامني ونسات الحل التاريخي والثقافي والفني للمحمدية نقولو ليها برافو
اش هاذ شي؟ واش هاذ الطريقة لطمس هوية لمدينة ؟ ، شوفو على حالة ولا الباب ، اش غ يقولو الزوار تاع لمدينة ؟ اش غ نقولو لولادنا ؟ اش غ يقول السياح ؟ اش غ نقولو لك احنا ؟ .... سكات حسن .
نتلاقاو غدا في لقاء جديد وموضوع جديد في الصباح في جوج كلمات


لمن فاتته مشاهدة حلقة امس من اللقاء اليومي : جوج كلمات يرجى اضغط هنا
ولمشاهدة باقي الحلقات الماضية يرجى الرجوع الى القائمة الرئيسية
بالموقع والضغط على فقرة جوج كلمات