الصبيطارات ..... الى متى ؟!!...

الحسين ابلا
oubella.2010@hotmail.com
www.guelmim.co.cc



... حديثي اليوم عن المستشفيات العموميه وما يحدث من اهمال وتسيب وعدم مبالاة بالمرضى ..همهم الوحيد هو الفلوس والرشوة كلشي فلوس الأطباء والفراميلة وصحاب النظافة و الي بغيتي الله احفظ ..وليتي داخل بحال لداخل لشي زريبة و لا "طواليت"....أعزكم الله والمشكلة هي للمواطن وخلقت من أجله ومن أجل جيبه فيما دزتي ارا ، ارا ،ارا حتى تيخرج جيبك مثقوب وقلبك مفGوع بالفقصةحشومة وعار في بلد إسلامي كالمغرب - المشكل اننا بلد اسلامي على الورق اما الى جبتي غار دويرة صغيرة ورى الليسيات غادي تشوف العجب -
حتى تتبغي تقرب تموت هلي تيعلقو ليك الصيروم وعمروك بالدواء الحمر

مشكلة والله ....وفينك ياالمسؤول ولا حتى نتوما كاين حصتكم من الوزيعة

القهاوي لحدا السبيطرات ولات بحال حوانت السمسارة

أي مرض عندو ثمنه أي عملية شحال تتساوي

كاين مول عشرين ألف

كاين مول مئة ألف

مشكل ولينا فحال الى في جوطية

الله يستر



· علاش في سبطراتنا الحكوميه تكون التجهيزات الطبية من اسوء مايكون

لي واجد هو الدواء الحمر والفاصما -وهذا الى عندك شي زهر لقتيه كاين‎-

غير تطل عليهم يهلكوك ب

جيب البنج

جيب الخيط

جيب الحديد

جيب وجيب
باش زعما تفهم راسك دير اديك لجيب..



· علاش اكثر مستشفايتنا عامرة بالحشرات اعزكم الله المفروض يحطو مشرفين على مستخدمين النظافه يوقفون فوق روسهم ويشوفوهم أش تيديروا

وزيد الاسرة موسخه بحال جالس عليه 100 مريض وعمروا ما تغير الفرش اللي عليه لدرجة ان لونه تقلب من الابيض الى اللون الاصفر والريحة الكريهة

الله يسترنا



·علاش ماعندهم اسلوب


الساعه 7 الصباح تدخل الفرملية نافخه ريشها وتصرخ على المريض وان كان غير قادر على الحركه تجره من سريره شوي تمسكه من حوايجو وتسحبه بعنف ..

فين حسن المعامله واللطافه واللي يدربونهم عليها من سته شهور وبالنسبه للدكاتره وخا اتكلمت من اليوم لبعد سنه مانوفيهم حقهم· شحال من واحد توفا بسبب اخطاء طبيه دون اي متابعة .. كيGول ليك مات موت الله · وعلاش شهادة الإحتياج كلشي ولا يزورها

لي أباه وزير يدخل بيها

ولي باه طبيب يدخل بيها

ولي باه مول جافيل يخلص بالكريدي

ولا يبيع حوايجو

مشكلة والله

فمشكل رشوة ديال الصحة و البوليس معهم معمر باباهم تحيد منهم هذ العادة..