ثورة إليكترونية مصرية ساخرة على صفحات شاكيرا وأوباما وفان ديزل

"ثورة إليكترونية ساخرة" و"حركة شباب 10 ديسمبر" حركات أعلنت عن وجودها بعد ساعات قليلة من انتشار عدوى التعليقات الساخرة على صفحات الفنانين والمشاهير والصفحات الرسمية لتصل لعشرات الآلاف بعد قيام الممثل والمخرج الأمريكي العالمي "فان ديزل" بنشر صورة له على صفحته الخاصة وهو في أحد المناطق المصرية. وكان التعليق الأكثر انتشار هو "قولوا للمشير يسلم السلطة نسلمكم الصفحة".
وكان "ديزل" قد قام بنشر صورة له على صفحته الخاصة على موقع التواصل الإجتماعي ال"فيس بوك" وكتب عليها تعليق (مصر.. إبتسامة واحدة تختبئ بين أصابعها" وخلال لحظات تم مشاركة الصورة أكثر من 10 آلاف مرة فيما توالت التعليقات الساخرة لتنتشر بعدها "عدوى" احتلال الصفحات بالتعليقات كما حدث بصفحة الرئيس الأمريكي "باراك أوباما" و"شاكيرا" و"المجلس الأعلى للقوات المسلحة" و"أنا آسف يا ريس" ومنها شعارات:
"الشعب يريد إسقاط المشير- أوباما قول للمشير يسلمنا السلطة وإحنا نسلمك الصفحة- أوباما... معلومة بسيطة... الشعب المصري مبيزهقش... يعني عندك كده كل يوم لحد ما أمريكا تبقى دولة عربية".
فيما نالت صورة "ديزل" على صفحته الشخصية في إحدى المناطق الشعبية المصرية والتي تضم أكثر من 28 مليون معجب النصيب الأكبر من التعليقات ومنها:
- ديزل: لو سمحت طلع المصريين من الصفحة بتاعتي
- طنطاوي: نعمل استفتاء الأول
- المجلس العسكري: نناشد أبناء مصر الشرفاء ترك الوول لفان ديزل لأن هناك أيادي ثالثة تكتب كومنتات قبيحة
- عكاشة: لو قلت لي يا سي ديزل إسم الولية بتاعة الجرجير اللي جنبك هنسيبك تكمل تصوير
- دلوقتي الداخلية تنزل ويقولوا إحنا كنا بنحمي الصفحة من المصريين بعد محاولتهم اقتحامها
- إحنا مطالبنا واحده... العسكري يسلمنا السلطة إحنا نسلم ديزل الصفحة وقتي
- بكره هيطلع العيسوي يقولك إحنا معندناش فان ديزل.. و يطلع عمرو مصطفى يقوله انت يا فان بتبص شمال عايز تقول إن الشعب المصري ماشي شمال.. لا هتلاعبني بالاتجاهات هلاعبك
- وييجي عكاشة يقوله لو انت بتعرف ذكر البط بكام في السوق أنا ممكن أرشحك لجايزة أوسكار
- أول بوست لفان بكرة على الصفحة أنا آسف يا مصريين حقكوا عليا سيبوني بقى آكل عيش الله يخليكم
- والنبي إنت برنس يا فان..... لا وإيه عليك هيبة ولا بتوع السينما
- طب تعرف تقول قميص نفيسة نشف ولا لسه منشفش؟
- فيه إيه الصورة دي متصورة في شارع الحكومة ومن حقنا نعلق عليها
- مرتضى منصور بيقولك يافان ياديزي مش هاسيب حقي اللي عندك ونتقابل في المحكمة
- عاجل: بيان المجلس العسكري بخصوص نزول فان ديزل لمصر يهيب المجلس العسكري بالشعب المصري ألا ينساق وراء الإشاعات المغرضة والأيادي الخارجية التي تعبث بمصلحة منطقة إمبابة وبولاق الدكرور
- عاجل: المجلس العسكري: التعديلات الدستورية لن تشمل صفحة فان ديزل
- عاجل: أوباما يدعو فان ديزل لضبط النفس لما يحدث في البيدج بتاعته
- عمرو مصطفى: فوتوشوب
- عكاشة: طبعا جاي يتطمن على المؤامرة الماسونية بتاعت أمريكا
- اسبايدر: والله يا بلد انتو مش عارفين ديزل ده جاي مصر يعمل إيه وأنا الوحيد إلي عارف
- مرتضى منصور: معايا كل الدلائل إلي تثبت إدانة ديزل في السي دي
- شلبي: ديزل ده حبيبيي
وقام البعض باقتراح ترشيح الشعب المصري لجائزة "الألش" بعد قيام الآلاف من الشباب بزرع عشرات الآلاف من التعليقات الساخرة على صفحات عدد من الفنانين والمشاهير والسياسيين حتى وزارة الدفاع الإسرائيلية.
ولاقى الترشيح للجائزة "الألش" قبولا كبيرا كما اقترحوا إنشاء صفحة بعنوان "إحنا آسفين يا فان ديزل" لكي لا يغضب، فيما أنشأت صفحات للثورة الإليكترونية على المشاهير وحركة أطلقت على نفسها "شباب 10 ديسمبر" وموقعة التعليقات والتي قامت بنشر روابط عدد من صفحات المشاهير ودعت إلى اقتراح المزيد.