الرشوة مازال كتدور... بقلم // كنزة فريدو

الرشوة مازال كتدور.. في حي يعقوب المنصور كتدور.. في الأقواس كتدور..؛ بين القايد والجماعة أومول جنان الكرمة كتدور...
جنان الكرمة؛ قهوة بقات كتكحز، فاتت لقياس وزادها خصة سدات الطريق؛ وبدا يحط سيارته قدام باب دارنا...
خويا محمد رحمه الله كان كيضن بلي كاين القانون في البلاد، جرى من القايد للباشوية؛ فقص راسو على والو...،
خويا الله يرحمو مواطن صالح مابغاش ربي إزيد فعذابو أكثر حيث ما كاين قانون و داه عندو يوم 19 يونيو 2014 في شهر شعبان ، بموته عادية ؛ ساهلة ماهلة ، الله يرحمو و يوسع عليه أو مول جنان الكرمة ( القهوة ) رجع كيحط سيارتو في باب دارنا ؛ إيوا أش نعمل مع هذا؟ راشي حتى الحومة، و معاه شي جمعيات مدنية ؛ اقطر بها السقف؛ و كتدخل فيما لا يعنيها و ماشي اختصاصها؛ والدوصي ديالهم فالعمالة، أومازال حتى العمالة ما عملات والو؛ كتعرف غير تعطي الجمعيات لكل من هب و دب، دبا أنا إلا هرست هديك السيارة الي كيحط قدام دارنا؛ غنتسمى حمقه؟ إيوى الرشوة مزال كاينة، وكتدور من دار لدار ،إيوى فينكم أهدوك للمكلفين بمحاربة الرشوة؟ الدوصي ديال الجمعيات حتى هو موجود في العمالة ، الرشوة كتدور في حي يعقوب المنصور كتدور في الأقواس كتدور بين القايد والجماعة أو مول جنان الكرمة كتدور..،
في بلاد ألا قانون كتدور.. وفي عصر التحرير الملك العمومي كاتدور.. وفي عصر الإخوان كاتدور...