"نهار غابت الطيور خراحت موكة دور"

الله يرحم الوالدين اللي فهم شي حاجة يفهمنا معاه راه مافهمنا والو فهاذ التصاور . واش هاذ الناس هما اللي حررو معبر الكركرات من العصابات اللي منعت التنقل التجاري لعدة اسابيع ؟ هل هم من قامو بإرساء حرية التنقل ؟ لماذا تأخرو ولم يحضرو في الأسبوع الأول قبل ان تتدخل القوات المسلحة الملكية لتحرير المعبر من العصابات ؟ مامعنى هذه الصور ؟ لو كنت عارفهم غادي يمشيو كون سبقتهم للكركرات ليس من اجل السلام عليهم وليس من اجل مصافحتهم ولا من اجل اخذ صورة معهم . لاهذا ولا ذاك . ولكن غادي ندي معايا كابوس ديال الفرشي ديال عاشوراء و5 فرشيات ويكون معايا واحد يوثق العملية صورة وصوتا وغادي نوقف وراهم على بعد امتار قليلة ونطلق الفرشيات متابعين . والله واحد مايبقى واقف فبلاصلتو كلهم غادي يهربو ولكن انا بغيت نسجل الغوت ديالهم كيفاش غادي يكون ونسمع العثماني كايقول وعثقو الروح اعباد الله . تحية للقوات المسلحة الملكية التي حررت وأمنت المعبر ونتوما كون درتو غي استوديو وديكور للكركرات وتصورتو حداه . دون ان تتحملو مشاق السفر واخا بالطيارة . بصراحة التعبير عن الوطنية لايكون بالتصاور بل بنكران الذات والتنازل عن التعويضات والامتيازات لفائدة الجنود اللي مرابطين فالحدود . ولفائدة ارامل واباء وابناء الجنود الذين ضحو بحياتهم دفاعا عن الوطن