بوغطاط المغربي: "بن عرفة القرن 21".. محمد زيان كيطلب من الغرب وأوروبا يستعمرو المغاربة من جديد

تحية بوغطاطية للجميع،
شكون كان كيعتقد أن "بن عرفة" جديد سيبعث مرة أخرى في القرن 21؟؟
فالوقت لي لمغاربة لحرار متاحدين وراء صاحب الجلالة الملك محمد السادس وتايقين فرجال لبلاد د بصح لي خدامين ليل نهار من أجل مصلحة لبلاد واستقرار لبلاد، والنفس ديالهم حارة ضد كل مناورات الخصوم وعلى رأسهم دول الاستعمار السابق... فالوقت لي هادشي كامل واقع، كاين مع كامل الأسف واحد الرباعة محسوبة على المغاربة حاقدة على لبلاد.
هاد الرباعة من المرتزقة والخونة كتتمنى الشتات للمغرب وللمغاربة ودايرة يديها فيد دوك الخصوم ضد وطننا العزيز، وهادشي ماشي جديد، ولكن لي جديد اليوم هو واحد تابياعت من نوع آاااخر، كانو المغاربة كيحساب ليهم سالاومعاها، ساعا مازالة كاينة وعايشة معانا، ولي كفس أن مولاها كلا الغلة حتى شبع، وها هو اليوم ماكتفاش غير بسب الملة، وإنما أصبح يدعو علانية إلى استعمار المغاربة من جديد.
اييييه أخوتي... تابياعت على طريقة "بن عرفة" تُبعث من جديد على يد المدعو محمد زيان لي من هاد المنبر، وبصفتي مغربي حر غيور على وطني، أطالب بمحاكمة محمد زيان على الأخبار الزائفة لي روجها ضد الملك ديالنا وضد بلادنا !!
فالوقت لي كانت رباعة من المرتزقة والكلاب الضالة تنفث سموما من الأكاذيب والإشاعات حول الملك وصحة الملك وصراع مزعوم حول العرش وخرافات حول استعدادات انتقال السلطة وزيد وزيد... جاهم شيخهم الشارف الهارف مول "طون ونص" قال ليهم ما كتعرفووااالو.. المغرب ماشي خاصو ثورة بحال ثورات الربيع العربي أو خاصو يتغير النظام الملكي ديالو.. لا لا لا لا، المغرب باش يتغير خاص تدخل ليه الدول الغربية والأوروبية بسباااطهم ويستعمروها من جديد !!!شفتو شي وقاحة كثر من هادي؟؟!!
محمد زيان لي بلغ العمر ديالو حاليا أزيد من 80 سنة، دار حوار مع موقع El Independiente الناطق بالإسبانية والمقرب من عصابة البوليساريو وطبعا نظام الكابرانات، ولي ما خلا ما قال فيه من تصريحات معادية للمغرب. تصريحات وقحة لواحد الدرجة ما تتصورش، ولكن كيبقىسطاج الوحش فداكشي لي قالو هو الدعوة إلى استعمار المغرب من جديد.
موقع El Independiente بالنسبة لي مكيعرفوش، هو موقع أسسه المدير السابق ديال صحيفة El Mundo، المدعو Casimiro Garcia المعروف بعدائه للمغرب وخدمته لأجندات الجهات لي باغا الخدمة فالمغرب سواء من هوك أو من نواحي أخرى. هاد المشروع لي دارو ما صدقش فالأول، وكان فاشل بكل المقاييس وما كيقرا ليه حد.
ولكن مباشرة من مور ما نائب مدير هاد الموقع، المدعو Francisco Carrión لي كان هو كاتب المقال وصاحب الحوار لي تدار مع زيان، مباشرة ما هاد الشخص مشا لمخيمات الذل والعار بتندوف بدعوة من البوليساريو والمخابرات الجزائرية، باش يغطي الخرايف ديالهم وينقل أكاذيبهم حول قضية الصحراء، بداو المقالات فموقع El Independiente كيتحركو ويتبارطاجاو.
ولكن أي نوع من المقالات الله يخليك؟؟ غير لي كيقطر منها السم ضد المغرب، خصوصا فالأسابيع الأخيرة، ما بقا عندهم ما يدار من غير أنهم يقابلو الملك وصحة الملك وغياب الملك، وكملوها وجملوها بحوار مع بن عرفة القرن 21 محمد زيان،لي نشروه مباشرة من مور إحياء الملك محمد السادس لحفل ذكرى المولد النبوي الشريف.
ولي باغي يتأكد أكثر من هادشي لي كنقول، يكفي يضرب طليلة خفيفة على شكون كيبارطاجي المقالات ديال El Independiente على المغرب، وغادي تعرفو شكون فمصلحتو تروج هاد النوع ديال الإشاعات على المغرب.
من غير دوك الرباعة ديال الخونة والنصابة لي مع الأسف محسوبين على المغاربة، غادي تلقاو أن عناصر عصابة البوليساريو والذباب الالكتروني ديالهم المدعوم من نظام الكابرانات، هم فقط لي كيعاودو هاد الخوبير الخاوي لي مولاه مع الأسف هو محمد زيان.
وانا صراحة واخا كنت تفاجأت شوية من داكشي لي قالو محمد زيان فداك الحوار، وكيفاش يتآمر بداك الشكل القذر ضد المغرب، لكن منبعد تكالميت شوية، من مور ما تفكرت بلي ماشي شي حاجة جديدة عليهوهو الذي كان بالأمس القريب يتآمر ولازال، مع عميل المخابرات الجزائرية سعيد بنسديرة، كيتواصل معاه ويبارطاجي ليه الخوبير الخاوي ديالو على المغرب والمسؤولين ديال لبلاد.
والمعلومة المهمة لي خاص المغاربة يستوعبوها، وهي أن محمد زيان بن عرفة والرباعة لي كيتآمر معها ضد المغرب وملك المغرب، ماكانوش دايرين لحساب لظهور سيدنا بالشكل المبهج ما شاء الله عليه لي ظهر عليه ليلة حفل ذكرى المولد النبوي الشريف.
بن عرفة كان موجد الحوار ديالو مع El Independiente على أساس الغياب المزعوم للملك باش يزكي بيه داكشي لي كان قالو من قبل فواحد الخرجة فيوتوب والمخطط ديالو وديال الرباعة لي معاه، كان يقتضي أنهم يواصلو تضخيم ما تم الترويج له من قبل، ولكن هذه المرة على نطاق أوسع وعبر وسائل إعلام أجنبية والبداية كانت مع موقع El independiente، على أساس أن مواقع أخرى تجي تنقل نفس الخوبير وتضخمو أكثر.
والدليل على ذلك، أنه مباشرة من مور ما تنشر حوار زيان بن عرفة، جا واحد من أبرز أبواق الكابرانات وهو موقع "الشروق" الجزائري، قام بنقل الحوار لي دارو مع El independiente، هذه المرة بالعربية وحاول يضخم منو، باش تتناقلو مواقع معادية، باش تحاول تغطي على الظهور ديال سيدنا لي فرح المغاربة واطمئنو عليه.
وبالموازاة مع ذلك، الرباعة ديال مرتزقة اليوتوب خرجات دقة وحدة بسكريبت واحد وخطاب واحد لي فتاه عليهم الإرهابي محمد حاجب، وناضو تبعوه النصيصيات لخرين ديال مومني وفيلالي، وحاولو يبخسو من النشاط الملكي ويغطيو على فضيحتهم ولكذوب ديالهم لي تفرش، وقالك حكا داكشي لي قلناه مازال متمسكين بيه وساينونا نجيبو ليكم معطيات أخرى هههههه شي slouguyat جداد تاني كثر من داكشي لي فات.... الله يعطيكم الغراااق، حتى الخيانة وتابياعت فاشلين فيها هههههه.
الحاصول، أنا بعدا من هااااد المنبر، ورغم أنني كنتأسف بللي سيدي ربي بلانا بأشباه معارضين سوقهم خاوي بحالا لاعبين ف 3ieme ديفيزيون أو أقل، ويا ريت كون كانو بصح كيمارسو معارضة لي تزيد بالبلاد لقدام، أما هادو راه لي ضربهم، ضربهم على عمر واللعاقة، ويبيعو واليديهم لمن يدفع أكثر عساك لبلاد.
ولكن فنفس الوقت كنحمد الله لي الكذوب ديالهم ما كتفوتش عليه 24 ساعة كأقصى حد، أما هو راه مع لمغاربة لحرار لي حاضيين الشادة والفادة، كنفشو لباباكم لكواري بيه فيه، ما كاين لا 24 ساعة لا ساعة لا جوج... يااالاهو تكركبو والله يلكيها ليكم كحلة زحلة !!