بوغطاط المغربي | "الثالوث القُزَحي" لزكرياء مومني.. علاش مومني ختار "يسكن" فوسط أحياء المثليين فكندا؟

تحية بوغطاطية للجميع،
اليوم فهاد المقال، نقدر نقول ليكم بأن واحد الثالوث خاص بزكرياء مومني غادي يكتمل بصورة واضحة جدا.... ألا وهو "الثالوث القزحي".
فالمقالين الأخيرين (لي كندعوكوم ترجعو تقراوهم فحالة ما إذا ما قريتوهومش)، كنت كشفت ليكم بأن زكرياء مومني كيختار الشواطئ لي عزاز بزاف على المثليين فكندا باش يدوز فيهم وقيتة زوينة.
وكشفت أيضا بلي مومني مكون واحد شبكة العلاقات مثيرة مع ناس لي كيدافعو على المثلية الجنسية وحقوق مجتمع الميم، منهم لي عايش فكندا ومنهم لي في فرنسا. وفيهم محاميين وسياسيين وصحفيين وجمعويين.
أما اليوم غادي نكمل ليكم الحلقة الثالثة، باش يكتمل "الثالوث القزحي" ديال زكرياء مومني، ولي هي فالحقيقة العنصر الأول والأهم فالثالوث كامل، ألا وهو مكان الإقامة الحالية ديال مومني.
من مور ما كشفنا بأن المكان المفضل عند مومني للتسكع والأوقات الحميمية، هو مكان "قزحي"، ومن مور ما عرفنا أن طبيعة العلاقات لي مكونها مع ناس عندهم مكانة اجتماعية معتبرة، هم ناس لي كيدعمو ويدافعو بشراسة على "المجتمع القزحي".... اليوم غادي نكتشفو بأن أصلا مكان الإقامة الحالية ديال زكرياء مومني، هو مكان مُحاط ب"القزحية" من كل ناحية وجاي فبؤرة القزحية براسها.
فواحد المقال بتاريخ 10 يوليوز 2023، كنت كشفت ليكم البلاصة لي عايش فيها حاليا زكرياء مومني، من مور ما كان مجلوق من صاحب لصاحب ومن دار لدار. وتبين أنه حاليا عايش فواحد الإقامة خاصة بالطلبة، بحال الحي جامعي ولكن بريفي سميتو Evo Montréal.
ومن أول المؤشرات "القزحية" لي تابعة زكرياء مومني فينما مشا، هو أن هاد الإقامة الجامعية ديال Evo Montréal لي عايش فيها حاليا، ، تبين بلي كتدعم علانية مجتمع المثليين وحاطة قضيتهم وسط اهتماماتها، وكتعتبرها أساس ديال التنوع والاختلاف والتعايش.
أما فاش غادي نعرفو فين جات وشنو ضاير بها، غادي نتأكدو أن زكرياء مومني عايش تقريبا فبؤرة "القزحية".
الإقامة الجامعية ديال Evo Montréal جاية فواحد الحي سميتو Vieux-Montréal، تابع للدائرة ديال Ville-Marie، بإقليم كيبيك.
هاد الدائرة فيها جوج من أشهر الأحياء ديال المثلية الجنسية وأكثر الأحياء لي كيسكنو فيها المثليين وعزيز عليهم يتساراو فيها، لدرجة واحد فيهم سميتو كاع Village Gai والثاني سميتو Quartier Latin. وزيد على هادشي أن هاد الدائرة أصلا جاية لاصقة فواحد الحي آخر سميتو Plateau-Mont-Royal لي بدورو كيسكنو فيه المثليين.
والحي لي فيه الإقامة الجامعية ديال Evo لي ساكن فيها زكرياء مومني، جاي لاصق فهاد الأحياء "القزحية" كاملة لي هضرنا عليها، وهادشي كاامل بدورو جاي فنفس الدائرة ديال Ville-Marie لي هضرت عليها، لي جامعة اللب ديال "القزحية".
المؤشرات "القزحية" لي تابعة زكرياء مومني من كل ناحية، ما وقفاش غير هنا. لا أبدا. وإنما القضية صدق فيها أنشطة ترفيهية وتجمعات ومهرجانات ديال هادشي ديال "القزحية".
وهي نفس الأنشطة لي كتنصح الإقامة الجامعية ديال Evo لي ساكن فيها زكرياء مومني، كتنصح الطلبة والمقيمين فيها أنهم يشاركو فيها وما يفلتوهاش.
وبما أن اللائحة طويلة، فأنا قلت نختصر عليكم شوية وختاريت ليكم جوج من أهم هاد الأنشطة لي كتنصح الإقامة الجامعية ديال Evo المشاركة فيهم.
وعلاش زعما غير جوج؟
حيت هاد الجوج هما أولا من أبرز الأنشطة لي كيدارو فشهر غشت وشتنبر. وثانيا حيت التوقيت ديالهم و ياااا لغرابة الصدف سبحااان الله، تزامنو مع الرجوع ديال زكرياء مومني من شواطئ المثليين لي هضرنا عليهم من قبل.
يعني السيد كان كيدوز وقيتة زوينة وكيتسكع مع راسو فشواطئ المثليين، وبمجرد ما لحق التوقيت ديال هاد الأنشطة لي غنهضر عليها، جاي كيجري راجع بحالو. واش باش يحضر فهاد الأنشطة ولا لا، مااااا نعرف. المهم ما علينا.
أول نشاط هو المهرجان ديال المثلية لي كيتنظم فمنتصف شهر غشت من كل سنة، أو ما يسمى ب Fierté Montréal أو Montreal Pride. والإقامة الجامعية ديال Evo كتنصح الطلبة ديالها والمقيمين فيها أنهم ما يفلتوهش.
نجيو أسيادنا دابا للنشاط الثاني لي كتنصح الإقامة الجامعية لي ساكن فيها زكرياء مومني، الاستمتاع به فشهر شتنبر بالخصوص.
ويتعلق الأمر بواحد الحفل موسيقي كيتنظم كل يوم أحد، سميتو Piknic Electronik.
هاد الحفل كيتنظم فواحد البلاصة سميتها Parc Jean-Drapeau ولي كيتعتبر واحد الملتقى معروف بزاف بتجمع المثليين الرجال، حسب ما أكداتو واحد المنصة مختصة فإرشاد السياح المثليين (كيف غتشوفو فالصورة أسفله)، وقالت بلي هاد الحفل ماشي خاص حصريا بالمثليين، ولكن بزاااف ديال المثليين كيتجمعو فيه وكيتافقو يتلاقاو فيه.
هاد Parc Jean-Drapeau حتى هو محسوب على دائرة Ville-Marie، وجاي قريب (من الناحية الشرقية) لي ساكن فيها زكرياء مومني فحي Vieux-Montréal.
وباش تمشي ليه بسهولة، حسب ما هو مذكور فمنصة GayVoyageur، كيخصك تمشي ليه عن طريق Village Gay فالميترو.
ولكن كاين لي غادي يقولي : ياك هاد الحفل كينصحو يمشيو ليه أكثر فشتنبر، وزكرياء مومني رجع من شواطئ المثليين فالبداية ديال غشت ونشر فيديو بالضبط نهار 6 غشت 2023، إذن شنو العلاقة؟؟
هاااا.... هادا سؤال زوين !
أولا هاد الحفل كيبدا من شهر ماي حتى لآخر شتنبر، وشي مرات كيزيدو حتى البداية ديال أكتوبر. والكونسيبت ديالو أنه كيتنظم كل يوم أحد كيف قلت سابقا.
ولكن لي لفت ليا الانتباه بزاف فهاد الحفل، وخلاني نربط الأحداث ببعضياتها، هو أن هاد الحفل، كان علن فالموقع بلي غادي ينظم 3 ديال العروض فابور.
وأول عرض فدوك العروض الفابور كان مقرر يتنظم نهار 6 غشت 2023، يعني نفس النهار لي رجع فيه زكرياء مومني من شواطئ المثليين لي كان كيقضي فيهم أوقات خاصة.
امممممم... واش مومني رجع خصيصا باش يمشي يحضر فداك الحفل ولا لا. ماااااا نعرف، ولكن صدفة عجيبة صراحة، خصوصا وأن واحد ماشي مستقر بحال مومني وعايش غير على الإعانات، ما يزكلش هاد الفرصة الفابور باش يمشي ينشط مع راسو وسط المثليين لي كيجيو تما بزاف.
غير وكان هاد العروض المجانية ديال الحفل، حسب الإعلان ديالهم، ما غاديش يكونو ف Parc Jean-Drapeau وإنما فواحد البلاصة خرى أصلا قريبة ليها سميتها Parc Pied-du-Courant وحتاااا هي كتنغُل بالمثليين من جميع الأصناف. وهادي ماشي هضرتي وإنما الهضرة ديال شاهد عيان سبق ليه مشا لديك البلاصة، حسب ماقال هو نيت فواحد التعليق فغوغل، كيف غتشوفو فالصورة أسفله.
وبالتالي إذا زدنا هاد البلاصة حتى هي على المناطق لي لاصقة فالحي لي ساكن فيه زكرياء مومني، غادي تولي الصورة بالشكل لي غتشوفوه أسفله.
وبناء على كل ما سبق، فهاد المقال وفالمقالات السابقة، يمكن لينا من الآن فصاعدا نوليو نهضرو على ما يمكن تسميته ب "الثالوث القزحي" لزكرياء مومني لي ممكن نعبرو عليه بالشكل لي غتشوفوه فالصورة أسفله.
صراحة بزاااف على أنه كاع هاد المعطيات "القزحية" تجتمع دقة وحدة على شخص واحد.
ولكن مع ذلك، كنعاود نأكد بلي حنا فالموقع ما كنقولوش بتاتا بلي زكرياء مومني راه مثلي أو شاذ جنسي. حنا فقط نتسائل، كيفما تسائلنا فالمقالات السابقة، أشنو السبب وراء هاد النزوح المثير ديال زكرياء مومني إلى كل ما هو "قزحي"؟؟
ساكن فوسط أحياء ديال المثليين، وكيمشي يدور ويتسارا فالأماكن المفضلة عند المثليين، وداير علاقات مع ناس لي كيدافعو على المثلية والميولات الجنسية الشاذة... زعما هاد القضية كتطرح أكثر من علامة استفهام. ولكن فآخر المطاف... حنا ماااااشي سوقنا.
وإلى مكاشفة بوغطاطية أخرى.... وإلى ذلك الحين، كنقول ليكم تهلاو ومتنساوش تأبوناو عندي فالحساب ديالي فتويتر على الرابط أسفله:
وكذلك على حسابي في الفيسبوك على الرابط أسفله:
https://www.facebook.com/TarekElkassmi.BoughtateAlmaghribi