تحية بوغطاطية للجميع، 1/فنظركم شنو لي غيخلي الكوبل فيلالي يعادي السامية؟ ويكون معجب جدا بالكتائب المسلحة لحزب الله المدعوم من إيران وبالجيش الإيراني؟ الجواب كاين فكلام سيادنا اللوالا لي قالو: معامن شفتك معامن شبهتك. تبعو معايا وماتزابيوش 2/ فغالب الأحيان ( ولا أقول دائما ) التضامن مع الآخر كيكون من منطلق اقتسام نفس الأفكار ، نفس الوسط، نفس المهنة، نفس الانتماء... الخ وإذا مكانش اقتسام فهادشي، فعلى الأقل كيكون تشابه أو تقارب أو مصلحة مشتركة. وبتعبير آخر، كيقول المثل المغربي: ما تبدل صاحبك.. غير بشكون ؟؟ ما تبدل صاحبك غير بما كرف. فاش کنجیو نشوفو شكون متضامن مع الكوبل فيلالي لي كيدعيو أنهما معارضين للنظام المغربي وبلي متبوعين من طرف المخزن، شكون كنلقاو ؟؟ أصلا لي متضامنين معاهم معدودين على أصابع اليد الواحدة. 3 / في مقدمتهم كاين النصاب وبارد لكتاف زكرياء مومني لي كان كيبتز الدولة وباغي 5 مليون أورو بدون وجه حق. وأصلا مومني وعدنان كانو عشران يامات Lycée Descartes فالرباط فاش كانوكيتحرشو بالبنات. إذن فهي علاقة تضامن نصباوية تحرشية قدييييمة. 4/ ثاني واحد من المتضامنين مع الكوبل، كنلقاو الإرهابي محمد حاجب لي كان مشا يجاهد مع تنظيم القاعدة الإرهابي فأفغانستان ولي نهار تشد، تشد وهو هاز کالاش .. وبقية القصة كولشي كيعرفها. زيد وشكون آخر ؟ 5/ كاين طبعا الصوحافي علي لمرابط لي مسخر القلم ديالو لمن يدفع أكثر، وعلى رأسهم المخابرات الجزائرية ولي تراجع مؤخرا ومابقاش كيجبد حس الكوبل لا فشي مقال ولا فشي تويت من مور فضيحتهم ديال معاداة السامية، لي كانت السبب فتوقف الحملة الإعلامية لي كانت موجدة ليهم الأجهزة الفرنسية. 6 / وبعد تراجع لمرابط والأجهزة الفرنسية عن دعم الكوبل فيلالي المعادي للسامية، تلات ليام بالكوبل بين أيدي عميل للمخابرات الجزائرية من درجة صوحافي ومدير نشر موقع laptrienews.dz سميتو محمد عبدون، ما عندو شغل من غير الفيلالي والبوليساريو ولي سبحان الله عمرو هضر على الصحافيين والنشطاء المعتقلين فالجزائر. 7/ صافي هادشي لي كاين فالمتضامنين مع الكوبل فيلالي؟ ا لاااا . صبر کااااین. شكون؟؟ واحد المواطن فرنسي. وااايلي؟ مواطن فرنسي مهتم بقضية الكوبل فيلالي؟ أااييه. واش شي ناشط معروف؟؟ واا هو من ناحية ناشط فهو ناشط. حقوقي ؟ صحافي ؟ سياسي؟ لا. وشنو؟ ناشط شيعي. شيعي؟؟ كيفاش هاد لبلان؟؟ 8/ أسيادنا وانا كنقوم بجولاتي البوغطاطية، طحت فهاد خونا لي فرحان بيه الكوبل فيلالي ولي مقدمينو على أنه يوتوبر فرنسي كيتضامن معاهم. مسمي راسو " Mahdi de Nice " وهو جزائري الأصل. دخلت نشوف شكون هو. كنلقاه معتابر راسو قایم بالدور ديال "المهدي المنتظر". المهدي المنتظر كاااع؟؟ 9/ السيد ماشي يوتوبر عادي. وإنما مأمن بفكرة المهدي المنتظر د بصح وأغلب الفيديوهات لي كيدير فالقناة ديالو على هاد لبلان. ومتأثر بأفكار منظرين وشيوخ عندهم تأثير كبير على الشيعة فإيران. وواحد منهم كان الملهم ديال آية الله الخميني زعيم الثورة الإيرانية وأول مرشد أعلى لإيران. 10 / ولي غيتبع النشاط ديال هاد الشاب "المهدي المنتظر" على اليوتيوب غادي يلاحظ بلي كيمارس التقية وكينوع فالفيديوهات ديالو بين المحتوى لي عندو طابع ديني فين كيهضر على "المهدي المنتظر" وتفسير الأحلام ديالو وبشكل غير مباشر كيخدم الأجندة الإيرانية وبين المحتوى لي كيهضر فيه على أمور خرى ديال l'actualité. 11 / وماشي هادشي فقط. وإنما هاد " Mahdi de Nice " هو واحد من المتتبعين والمعجبين ديال المدعو الشيخ جمال طاهري وما أدراك ما الشيخ جمال طاهري ومن لا يعرفه. شكون يكون أسيدي؟ هو واحد من المؤسسين ديال مركز الزهراء الشيعي أحد أبرز أذرع إيران في فرنسا لي كان مترأسو يحيى القواسمي ذو الأصل الجزائري. 12/ هاد مركز الزهراء الشيعي سداتو السلطات الفرنسية ف 2019 وجمدات فلوسو من مور مداهمة أمنية لمكافحة الإرهاب ف 2018 شاركو فيها 200 عنصر أمني لتورط المركز في أنشطة مشبوهة وخطيرة من بينها نشر خطاب الكراهية وتمجيد الإرهاب وحيازة أسلحة نارية بدون ترخيص 13/ الشيخ جمال طاهري أدين أواخر 2019 بالسجن 6 أشهر مع وقف التنفيذ وغرامة 2000 أورو بسبب نشر خطاب الكراهية ومعاداة السامية. وغادي يكون أيضا من بين 4 مسؤولين ديال مركز الزهراء لي اعتاقلاتهم السلطات الفرنسية ف 2020 بسبب استمرار نشاطهم فالمركز رغم منعه. 14/ مركز الزهراء الشيعي المدعوم من إيران ولي شارك فتأسيسو هاد الشيخ جمال طاهري لي متأثر بيه Mahdi de Nice كيتكون من عدد من المؤسسات التابعة له أبرزها " حزب ضد الصهيونية " لمؤسسه يحيى القواسمي ف 2009 وكذلك الاتحاد الشيعي الفرنسي لي كيلعب دور مهم في تجمعات الشيعة في فرنسا واستقطاب الشباب 15 / و " حزب ضد الصهيونية " لي كان محتضنو هاد المركز الشيعي وتأسس فقلبو كان من أبرز داعميه ومرشيحه الكوميدي ديودوني والكاتب المتطرف آلانسورال لي كانو بمثابة قدوة للكوبل فيلالي وعبرو على تضامنهم معاهم بالحركة الشهيرة ديال la quenelle المعادية للسامية وسبو على ودهم فرنسا كاع 16 / ديودوني لي تضامنو معاه الكوبل فيلالي ومفتخرين بأفكارو ومواقفو وتوجهاتو وشبعو سبان ففرنسا على ودو، علاقتو بإيران مكانتش منحصرة فقط فمركز الزهراء المعادي للسامية وإنما كانت عندو علاقات قوية بدوائر صنع القرار فإيران وكان كيزورها بشكل علني وسري أيضا وتلقى دعم مالي منها 17/ واايلي؟؟ كاع هادي قواسم مشتركة بين الكوبل فيلالي والناشط الشيعي Mahdi de Nice ؟؟ هادشي كامل زعما صدفة ؟؟ صدفة أن ناشط شيعي بهاد الخلفيات كلها يتضامن مع الكوبل فيلالي لي صدق عندهم نفس الخلفيات والأفكار ؟؟ لا ماشي صدفة. ولي جمع الكوبل والمهدي "المنتظر" أكبر بكثير من مجرد تضامن. 18/ هاد الناشط الشيعي Mahdi de Nice صدق معرفة قديييمة ديال الكوبل وكيف قلت أن لي كان جامعهم هو أكثر من أنه يكون مجرد تضامن. وإنما كان جامعهم مشروع. ومااشي أي مشروع. عدنان ودنيا و "المهدي" ومعاهم ناس خرين كانو خدامين على تأسيس "لوبي مغاربي دولي". وعلاش اسي عدنان هاد اللوبي؟؟ 19/ عدنان فيلالي حسب ما صرح به باغي يأسس هاد اللوبي المغاربي على طريقة اللوبي الص.هيوني لي داير بلاصتو فالعالم (حسب تعبيرو) باش يدافع على حقوق ومصالح المواطنين ذوي الأصول المغاربية لي اعتبر أنهم مضطهدين فبعض الدول على رأسهم فرنسا لمجرد أنك تكون سميتك "محمد" (حسب تعبيرو) 20 / تأسيس تكتلات من هاد النوع وبهاد الشكل يدخل في نطاق ما يسمى ب "الجماعانية" ( Communautarisme ) لي كتكون قايمة على أساس ديني أو عرقي أو إثني أو سياسي... الخ. وتجنبا للمضايقة والتتبع الأمني (خصوصا في فرنسا) هاد المجموعات كتقدر تدعي فالبداية أن عندها أهداف اجتماعية فقط ماشي أيدولوجية أو سياسية. 21 / وبالنسبة للوبي المغاربي لي كان باغي يديرو عدنان فيلالي قال بلي ماشي ضروري تكون من أصل مغاربي باش تنضم ليه. يكفي تحمل نفس الفكر والقيم ديال المجموعة. وهاد القضية كتفكرنا بالضبط ف ديودوني لي واخا ماشي إيراني ولكن كان منخرط بقوة فالأجندة الإيرانية عبر مركز الزهراء لي هضرت عليه. 22/ دابا عااد فهمت مزياااانعلاش عدنان فيلالي كان معجب لديك الدرجة بكتائب حزب الله وبالجيش الإيراني ومعتبرهم رجال وأحرار د بصح. فهل يا ترى كنا غنشوفو عدنان ودنيا وصاحبهم "المهدي المنتظر" دايرينشي تنظيم مغاربي بخلفية شيعية لخدمة الأجندة الإيرانية في فرنسا بحال مركز الزهراء؟؟ 23 / المهم، هاد القضية بااااقي عندي شلااا مايتقال فيها وهاد "الثريد" كان فقط من أجل معرفة طينة المتضامنين والمساندين والداعمين للكوبل المعادي للسامية... ولي مازال ما بغا يفهم... كنقول ليه فييييق من الكلبة أ بابا فييييق. تحية بوغطاطية للجميع من بوغطاط المغربي من حيث لا تدرون !!
