بوغطاط المغربي كيبَيّض فالكوبل فيلالي فالمغرب وال DRS كتقاقي من هوك

تحية بوغطاطية للجميع،
1/ واحد المثل مغربي بالصيغة الخاسرة ديالو عزيز عليا، ولكن مضطر نكون مؤدب.
كيقول المثل: الدجاجة كتبيض والفروج يقاقي
جالسين كنبيضو هنا فالكوبل فيلالي والفروج كيقاقي علينا من هوك هههههه
واش DRS الجزائرية ولات الناطق الرسمي باسم الكوبل؟؟
2/ والله العظيم ايلا كنت غير طالقها فاش ختاريت لقب بوغطاط المغربي وماكنتش متصور بلي غيقطع فيكم النفس لهاد الدرجة.. لدرجة مقادينش حتى تهضرو على راسكم بلسانكم ههههه ومخليين صحابكم وكابراناتكم ينوبو عليك
توما راه هادي غير الشويكيك ديال البداية... البداية ديال الكوشمار لي غيسطيكم ههههه
3/ من مور ما هضرت على طبيعة العلاقة لي كتجمع الكوبل فيلالي بالموقع المخابرات الجزائري lapatrienews.dz التابع ل DRS ..فبلاصة ما الكوبل هو لي يخرج يشرح لبلان، كنلقاو الموقع المخابراتي هو لي قايم بالواجب وكيزيد يأكد داكشي لي قلناه... وماشي غير هادشي وكان
4/ وإنما مكلخين حتى فالرد ديالهم هههه وقصحاتهم بزاااف فاش قلت بلي الصوحافي
المخابراتي محمد عبدون مدير نشر موقع lapatrienews.dz معندو شغل من غير الكوبل
فيلالي، في حين أنه ما عمرو هضر على الصحافيين المعتقلين فالجزائر لي مفروض يكونو
أولى يكتب عليهم... قالك لا حيت ماكاينش صحفيين معتقلين فالجزائر بسبب آرائهم
ههههههههه لااا يااا شييييخ ؟؟؟
5/ باش تقول بلي ما كاتكتبش على الصحافيين المعتقلين فالجزائر حيت مكانش صحافيين معتقلين فالجزائر بسبب آرائهم هااااانية ندوزوها واخا مافيها ما يدوز الواحد هههههه ولكن باش تنسى أصلا بلي كتبتي على واحد منهم ولي كنتي كتضرب فيه من الفوق وتخونو... حتى لهادي لااا هههه
6/ الصوحافي المخابراتي محمد عبدون مدير نشر موقع lapatrienews.dz والعميل الوصي على الكوبل فيلالي، كان نزل نزلة خااايبة على الصحافي خالد درارني فواحد "الكرونيك" ديالو فنفس الموقع، واتهمو بأنه صهيوني حيت نشر تغريدة تطالب اللاعب رياض محرز بالتضامن مع أبناء بلده المعتقلين أولا قبل التضامن مع فلسطين
7/ وا تصورو معايا دابا الكوبل فيلالي لي كانو بالأمس القريب "عياشة" بامتياز، و لي اليوم قلبوها "تشيات" وتابياعت بالعلالي بعلاقتهم المباشرة والحصرية مع هاد الموقع التابع ل DRS الجزائرية لي كيضرب فالمعارضين ديال نظام الكابرانات، تصورو معايا معتبرينو مرجع ذو مصداقية واستقلالية وفرحانين بيه من الفوق
8/ غير وكان هاد "التشيات" ديالهم مااافيه ثقة... حيت فالوقت لي كان الصوحافي المخابراتي محمد عبدون كيتبنى الكوبل فيلالي و كيهلل ليهم فموقع lapatrienews، كانو هوما كيسخرو من مسرحيات الدحاديح لي نفس الموقع مقدمهم على أنهم إرهابيين
9/ وراه قلنا ليكم بلي هاد الكوبل نصابة وديال مصلحتهم... فاش كانو "عياشة" كانو كيسبو فرنسا. وفاش قلبوها "معارضة"، ولاو يسبحو بفرنسا ويسبو فالمغرب. وفاش طلقاتهم فرنسا قلبوها تشيات وتابياعت مع DRS الجزائرية... وهانا ها نتوما غدا ولا بعدو يتقلبو عليهم، تمااااما كيف دار السليطيعينة باش خذا اللجوء فالدانمارك وشابع دابا سبان فالكابرانات لي كان فالأمس القريب ساكن فقنواتهم ووكالة أنبائهم
10/ ولكن سبحان الله العظيم... الحاجة الوحييييدة لي إلى حدود الساعة مازال الكوبل فيلالي متشبثين بها وما عمرهم نكروها ولا تقلبو عليها، هي دعمهم وولائهم لأذناب إيران وعلى رأسهم حزب الله الشيعي المعادي للسامية بحالهم هههه وا فيييقو من الكلبة الله يرضي عليكم...
كان معكم بوغطاط المغربي من حيث لا تدرون