دنيا باطمة تقصف ابن عبد الرؤوف.. والأخير: الله يهدي بنادم

يبدو أن الفنانة المغربية لم تتقبل الرد الغاضب لابن الكوميدي المغربي، عبد الرحيم التونسي، الملقب ب »عبد الرؤوف »، بعد ان نشرت دنيا خبر وفاة « عبد الرؤوف »، حيث قالت دنيا ردا على أسامة التونسي « هاداك ولد الفنان عبد الرؤوف احنا مكنعرفوكش بعدا هادي أول حاجه، الشعب المغربي كيعرف الفنان القدير عبد الرؤوف فقط لا غير، ثاني حاجة يوم بالغلط نزلنا عن خبر الوفاة لأنه تداولت أخبار على مواقع التواصل الاجتماعي وفأكثر من صفحة واحنا مكنعرفوش عائلة الفنان ماشي عيب لدرجة انك تخرج للعيب وتهاجم الفنانين ».
وأضافت صاحبة أغنية « حب صيني » في ردها التدوينة ذاتها : »جيتي عندي الخاص وهضري وجاوبتك، وقلنا مكين باس وبعدها مشيتي كتهضر بطريقة غريبة على الفنانة لي منهم أنا.. نضتي أنت درتي فيها أيدين ورجلين، وكتنعت الفنانين بهادوك وهاديك، وأنا من هاد المنبر كنقول لك هداك الأخ را مكنعرفوكش كنعرفو باك والله يعطيه الصحة والعمر المديد.. والموت علينا حق مكيتقلقش منها الانسان عليا انا حق وعليك وعلى كل مسلم ، والسلام عليكم".
في سياق متصل، عاد أسامة للرد على باطمة "باش نوضح لكلام لي قالت باطمة، حطيت الفيديو لوقت لي دويت فيه راه واضح 15:00، وفاش دوينا فالواتساب 17:15 والفيديو تحط في اليوتوب من بعد".
وأضاف: "مسألة ديال مكتعرفنيش دويت بإسم الأسرة وعلى لفنانة لي قالوا مات..حيت ماشي حنا كاملين عايشين فدار وحدة، كاينين لي ممعاناش وصدقوا هاد لهضرة، وظنوا بلي مبغيناش نقولو توفى باش ميتخلعوش".
وأوضح في تدوينته المقتضبة: "كلامي واضح وحتى لوقت ديال لفيديو وواتساب واضح..الله اهدي ناس لي روجات هضرة مقلوبة".