البرلمانية حنان رحاب : انتبهوا هذا ليس وقت البشاميل !

في فترة الحجر الصحي الذي تعيشه المملكة، بعد تفشي فيروس كورونا، اختلفت اساليب وانماط الحياة اليومية، وسط العائلات المغربية، حيث وجد الجميع انفسهم أمام مفترق الطرق، خصوص في مجال النظام الغدائي الذي سيتبعونه بشكل يومي.
وبهذا الخصوص كتبت البرلمانية حنان رحاب في صفحتها على الفيسبوك « سمحوا لي . . بغيت نتقاسم معكم بعض الامور اللي اصبحت عندي هاجس كبير .. واللي تنحاول نشرحها للناس اللي في محيطي واللي قراب مني واللي أتبادل معهم أطراف الحديث خلال هذه الازمة الله يخففها علينا كاملين … مثلا .. وجدت نفسي جد متشددة في طريقة للأكل وخا انا غير متطلبة وعاشقة » لطاجين الخضر دون لحم والقطاني «
وأضاف ذات المصدر « تنقول ان اليوم ونحن في الازمة بزاف الناس فقدت العمل ديالها .. ولكن تنشوف الناس تستهلك بطريقة لا تراعي ان راه مدخول أمس ماشي هو ديال اليوم .. وان عجلة الاقتصاد تقريبا واقفة … مثلا تنقول لهم نرجعوا العادات ديالنا اللي تربينا عليها » طاجين ولا مرقة بالخضر » وعشاء خفيف » الروز – الشعرية – الحساء – لحريرة … ». يعني نبعدو على الأكل اللي فيها بزاف » ديال المصاريف » الثانوية واللي تتضيع الفلوس في هذه الايام .. كاين اللي مع الحجر الصحي عاد بان له » البيشاميل – الماييس – الشبينبون – أنواع الأجبان المختلفة – اللوز باش تدير الحلوى .. كنفليكيس.. .. » وغير ذلك … «
… وأردفت « لا أخفيكم عييت ما نشرح » المحيط ديالي الأصدقاء والصديقات » ديالي ان الاستهلاك في هذه المرحلة خاصو يكون » بلا ما نتهلكو « . حيث يمكن من الكثير اللي عندنا واللي تنخسروه فيما هو ثانوي #نعانو الناس اللي معندهاش بما هو أساسي » الزيت – الدقيق – اثاي – الزبدة – العدس -اللوبيا – البيض – الخصر – البلبولا – الروز – … » عموما عندما استفيظ في الشرح ويمكن حتى بحدة .. الناس تنقول هاذ » حنان » ولات » #سقرامة/ بخيلة » .. وانا تنقول لهم رجعوا الى كيفاش كبرنا كاملين اوً كيفاش واليدنا » بالقليل » كبرونا و #العادات_المغربيةً كانت #زوينة في الأكل وحتى في التاويل … ونفكروا ان الكثير من الناس عندها شويا للمؤونة خاص تدي لها الشهر كامل .. وناس اخرين يمكن عايشين على التضامن ولا ينتظرون من يدق بابهم …. وأخيرا بغيت نسولكم .. واش هذا بخل ولا حسن تدبير الازمة ..؟