المعارضة الصبليونية جبدو لرئيس الحكومة: المغرب ديكتاتوري والصحرا وتصريحات النعم ميارة على سبتة ومليلية

كوكا گامارا زعيمة المعارضة فمجلس النواب الصبليوني جبدات لرئيس الحكومة فجلسة مساءلة ليه موضوع المغرب. هدرات على تناقض الحكومة. رئيس الحكومة كيقول علاقات جيدة مع المغرب ونائبة ديالك =فاشارة ليولاندا دياز= اللي قالت على المملكة المغربية باللي "ديكتاتورية".
وجبدات زعيمة المعارضة عن الحزب الشعبي اليميني مواضيع كثيرة بحال تغيير حكومتو الموقف من الصحرا ووضعية سبتة ومليلية
لكن زعيم اليمين المتطرف ستياگو اباسكال هو اللي ركز بزاف على المغرب فمداخلتو اللي كاينة دابا فمجلس النواب.
زعيم "بوكس" عاود جبد الصحرا وهدر على الجزائر وداز لاقالة وزيرة الخارجية الاسبانية سيمانا بعد ما طلبات الرباط تغييرها وجبد عدم استقبال الملك محمد السادس ليه وهدر على تصريحات النعم ميارة رئيس مجلس المستشارين على سبتة ومليلية.
هاد المتطرف قال باللي سانشيث كيخضع للرباط ولاملاءات الرباط