المغرب دار الروينة فالحياة السياسية الاسبانية. ازمة فالحكومة فالتحالف مع المعارضة فحكومة الاندلس ودخل حزب الاستقلال وفهاد الشي

الاعلام الاسباني دار تغطية بعيدة على الحياد لموضوع دخول كثر من 8 الاف لمدينة سبتة المحتلة وعلاقة هاد الشي بدخول زعيم البوليساريو ابراهيم غالي لاسبانيا للعلاج بهويات مزورة وبباسبور ديبلوماسي جزائري. لكن هاد الشي كولو فالاخير زاد غير عمق ازمة سياسية كبيرة فبلاد عاشت على وقع ازمات.
شعلات فالبرلمان بين رئيس الحكومة الاشتراكي بيدرو سانشيث وزعيم المعارضة اليميني بابلو كاسادو عن الحزب الشعبي. هاد الاخير انتاقدو على تدبير هاد القضية ديال سبتة وغالي. لاخر رد عليه باللي همو يوصل للحكومة ولو على ظهر مصالح اسبانيا.
احزاب وطنية اخرى كانت دعمات الحكومة ضد من سمته وزيرة الدفاع روبليس "العدو" و"المبتز".
لكن الخلاف بين المعارضة والحكومة المشكلة من الحزب العمالي الاشتراكي واليسار الراديكالي "بوديموس" غادي يتزاد البارح. باش كاسادو طلب من شانشيث يفك تحالفو مع "بوديموس" بعد نشرهم لتدوينة كتدعم حق تقرير المصير فالصحرا٬ فك الارتباط مع حليفو ويدعمو حزبو من اجل مصالح اسبانيا العليا. زعيم المعارضة اعتابر هاد الشي مزايدة خاوية واضاف ان هاد الحزب ما كيعتارفش بوضوح بان سبتة ومليلية اسبانيتين. كما اتهم كاسادو رئيس الحكومة بالاهتمام اكثر بمصالحه ضدا على مصالح اسبانيا بعقد تحالفات مع احزاب انفصالية
هاد الشي خلق تشنج كبير فمشهد سياسي اسباني مكهرب. زاد على هاد الشي موقف اليمين المتطرف "بوكس" من هاد الازمة. زعيمهم اباسكال زار سبتة وقال باللي هادا "غزو" دارو المغرب لمليلية وسبتة. كما رفض توزيع الاطفال والقاصرين على جهات اسبانيا.
هاد المشكل غادي يهدد حكومة "الاندلس" اليمينية. فقد هدد "بوكس" بالتخلي عن تحالفه مع الحزب الشعبي وسيودودانوس في حالة الى ما قبل هاد التحالف يجيب 13 قاصر من سبتة لهاد المنطقة في اطار توزيع شي 200 على كافة جهات اسبانية
اليسار اللي فالحكومة هاجم كاسادو على اتصال كان دارو قبل اسبوع تقريبا مع الامين العام لحزب الاستقلال نرار البركة. السبب هو ان الاشتراكيين الاسبان قالو باللي الحزب المغربي وطني كيطالب بسبتة ومليلية. واخا ماشي بوحدو فالمغرب اللي باغي يقولها.
هاد الوضع المؤزم تزاد تعمق باش حكومة كاطالونيا علنات البارح على انها غادية فالاستقلال علي اسبانيا واعلان جمهورية