جمهور بايرن: مزراوي ديها فالكرة واحترمنا راه الألوان كلها زوينة فتولوز وموينيخ وفين ما مشيتي

تقلق جمهور بايرن ميونيخ الألماني على الدولي المغربي نصير مزراوي، حيث تضامن مع زكرياء بوخلال اللي تزعم حملة ضد المثلية الجنسية بفرنسا، وحسب وسائل إعلام فرنسية رفض يلعب ماتش مع فريق تولوز بسبب توني الفريق اللي فيه ألوان "قوس قزح".
جمهور بايرن ميونيخ استغل ماتش الفريق ضد "لايبزيك" بالبطولة الألمانية وهزو ميساج على نصير مزراوي وقالوا له: "كل الألوان زوينة فتولوز وميونخ وكاع لبلايص.. احترام ثقافتنا ااااا نصير مزراوي".
هذا التحذير من جمهور بايرن ميونيخ للمغربي نصير مزراوي كيجي بعدما تضامن الأيام اللي فاتت مع الزميل ديالو بالمنتخب الوطني المغربي لاعب تولوز الفرنسي زكرياء بوخلال، واللي طاح فشي فضايح الأيام اللي فاتت بحال تزعم حملة مضادة للاعبي كرة القدم بفرنسا على المثلية الجنسية، والمشكلة اللي تساطح فيها مع نائبة عمدة تولوز.