تهربت ليلى بنعلي وزيرة الانتقال الطاقي والتنمية المستدامة، عن الجواب بصراحة حول مصير مصفاة لاسامير. بنعلي فلقاء لجنة القطاعات الإنتاجية بمجلس النواب، مساء الأربعاء 7 يونيو الجاري، بدات تدخل وتخرج فالهضرة بلا متقول كلام واضح حول لاسامير. وقالت بنعلي: "المغرب محتاج مصفاة كان سؤال فلسفي، واش المغرب محتاج مصفاة ولالا ماشي واش محتاج لاسامير ولالا، كتختزل أن المغرب ممحتاجش "لاسامير". وتابعت: "كاينا بعض التساؤلات لساكنة المحمدية اللي واش بغات ترجع لاسامير ولالا، كان عاد النقاش مفتوح وتفضلتي قلتي اليوم أنه كاين تلوث الهواء والمياه". هاد الجواب ديال الوزيرة جاء ردا على مداخلة هشام آيت منا، البرلماني عن دائرة المحمدية، للي جبد بالأرقام كيفاش كان تدبير هاد المصفاة خاطئ، وطالبها تجاوب: "واش لاسامير غادي تحل ولا تفتح". وانتقد آيت منا كراء خزانات لاسامير في هذه الظرفية من طرف سانديك المصفاة، مؤكدا بأن هذا القرار قد يتسبب في مشاكل قضائية، كيفما وقع مع العمودي لي رفع دعوى ضد المغرب.