سفارة الجزائر فباريس خلصات كلشي فاحتفالات ديال البوليساريو وفشلات تجيب سفراء معتمدين عند فرنسا

elouali.zaz.1987@gmail.com
رعت السفارة الجزائرية بالعاصمة باريس، البارح الأحد، إحتفالية جبهة البوليساريو، في مونت لاجولي، بمناسبة تأسيس البوليساريو وغيرها من هاد الاحتفاليات لي مرتابطة بشهر ماي وشهر يونيو.
وتقدم السفير الجزائري في باريس، سعيد موسى، المحتفلين بأعياد البوليساريو، مرفوقا بممثل البوليساريو في فرنسا، محمد علي محمد سالم الزروالي، المعين في منصبه بتاريخ 29 أبريل الماضي، ولي كانت أول حاجة دارها فاش جا لفرنسا مشا لعند السفير الجزائري، نهار الجمعة.
ومولت السفارة الجزائرية بفرنسا تكاليف حضور عدد من مناصري البوليساريو في أوروبا من خلال توفير التنقل والوجبات، فيما فشلت في تأمين حضور دبلوماسي من البعثات الدبلوماسية الدولية في فرنسا، بحيث اقتصر الحضور على السفير الأنغولي فقط.
الجزائر في العامين لي دازو خلقات مساحة للبوليساريو ووفرات ليها مجموعة من المنتخبين الفرنسيين المغمورين، والأكثر من ذلك دارت ليها مجموعة باش دعمها فالبرلمان الفرنسي كيرأسها جون بول لوكوك من الحزب الشيوعي، وفيها سياسيين ضعاف، ولكن فشل فأنه يدير شي بصمة واخا العلاقات بين المغرب وفرنسا تراجعات.،
هادشي كلشي باش يستاغلو البرود فالعلاقات بين الرباط وباريس ويحاولو يشوشو عليها باش تزيد تشعل وينعلكس هادشي على الموقف الفرنسي من نزاع الصحراء وتوقف شوية الدعم ديالها للمغرب فمجلس الأمن الدولي.